کرنی پوهنځی
د کرنی پوهنځی مخینه
کرنی پوهنځي د لوګر د لوړو زده کړو موسسې په وړاندیز او د لوړو زده کړو محترم وزارت د عالی شورا د (۳) ۲۶/۲/۱۳۹۶ ګڼه پریکړی په اساس د دوه اګرانومی، کرنیز اقتصاد او توسعی دیپارتمنتونو سره منظور شوه. نوموړی پوهنځي ته په کال ۱۳۹۸ ه. ل. کې د کانکور ازموینی له لاری د لوړو زده کړو د ترلاسه کولو په منظور محصلین ور وپیژندل شول. اوسمهال د کرنې په پوهنځي کې ۲۲۲ تنه محصلین چې ۲۱۲ تنه يې نارینه او ۱۰ تنه یې ښځینه دی په زده کړو بوخت دي چې تدریسی چاری یې د نهو تنو مسلکی استادانو له لوری په مخ وړل کیږي.
لرلید
د لوګر د لوړو زدهکړو مؤسسې د کرنې پوهنځی موخه لري چې د لیسانس په کچه علمي برنامې د تدریس او باکیفیته تحقیق له لارې وړاندې کړي، معیاري خدمات عرضه کړي، او د ټولنې اړتیاوو او غوښتنو ته په پام سره د یو مخکښ پوهنځي په توګه وپېژندل شي.
ماموریت
د لوګر د لوړو زدهکړو مؤسسې د کرنې پوهنځی ژمن دی چې د خپل متخصص او مسلکي علمي کادر په استفادی، د شته امکاناتو او فرصتونو په پام کې نیولو سره، علمي او مسلکي کادرونه د زراعتي او حیواني تولیداتو، د خوړو خوندیتوب، او د دوامدار اقتصادی پراختیا په برخو کې وروزي او ټولنې ته یې د اسلامي او ملي ارزښتونو په رڼا کې وړاندې کړي.
لوګر دلوړو زده کړو موسسې د رهبري پیغام
له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.
د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.
په در نښت
مفتي سید ضیاءالاحمد صارم
لوګر دلوړو زده کړو موسسې رئیس
