کانونو رااېستلو انجنیرۍ څانګه
لیدلوری:
د کان کیندنې څانګه د یو پېژندل شوي علمي او څېړنیز مرکز په توګه د ځان ثابتولو په موخه، هڅه کوي چې د مسلکي او ژمنو، په اسلامي او ملي روحیه سمبال انجنیرانو په روزنې سره د هېواد د کانونو د تلپاتې استخراج په برخه کې فعال رول ولوبوي.
ماموریت:
د کان کیندنې څانګه د مسلکي زده کړو وړاندې کولو او اغیزناکو علمي څېړنو ترسره کولو له لارې، مسلکی او په اسلامي او ملي روحیه سمبال انجنیران روزي تر څو د هېواد د کانونو سکتور د تلپاتې پرمختګ لپاره علمي او مسلکي اړتیاوو ته ځواب ووايي.
د څانګې تاریخچه
د کانونو رااېستلو انجنیرۍ څانګه په ۱۳۹۹ هجري لمریز کال کې په هېواد کې د کانونو د خامو موادو د تخنیکي او فنی رااېستلو او ګټه اخیستنې په برخه کې د کانونو د انجینرانو د روزنې په موخه جوړه او په فعالیت یې پیل وکړ. دا څانګه په پرانیستې او ځمکلاندې (زیرزمینی) طریقې په مرسته د ډبرو سکرو د کانونو، تورو فلزاتو، رنګه فلزاتو او قیمتي او نیمه قیمتي ډبرو د را اېستلو په برخو کې متخصصین روزي او ټولنې ته یې وړاندې کوي.
د لوړو زده کړو وزارت د انکشافي پلان او د بازار د اړتیاوو پر بنسټ، په دې څانګه کې د کریډیټ سیسټم تطبیق کیږي او له دې امله چې دا څانګه نوې جوړه شوې، تر اوسه کومه دوره فارغ نلري. په دې څانګه کې د زده کړې موده ۹ سمسترونه یا څلور نیم کاله ده او وروستی سمستر د ډیپلوم پروژې دفاع ته وقف شوی دی.
هغه محترم استادان چې نومونه یې لاندې ذکر شوي دي اوس مهال په دغه څانګه کې په تدریسي بهیر بوخت دي:
۱- نوماند پوهنیار صفي الله مياخېل د څانګې سرپرست آمر
۲- نوماند پوهنیار سیدالله صافی استاد
په پام کې ده چې دوه نور استادان هم د دې څانګې په علمي کادر په خالي بستونو کې د آزادې سیالۍ له لارې شامل شي.
نوماند پوهنيار صفي الله مياخيل بيوګرافي :
نوماند پوهنيار صفي الله مياخيل د ميرعطاء زوی او د مرجان لمسی په کال ۱۳۷۴ د کابل ولايت د پغمان ولسوالۍ په يوه متدینه کورنۍ کې نړۍ ته سترګې وغړولې .
زده کړې :
په کال ۱۳۹۲ کې د خواجه لکن له عالي لېسې څخه فارغ او په کال ۱۳۹۳ کې د کابل پولي تخنيک پوهنتون د جيولوجي او کانونو پوهنځی د کانونو د رااېستلو څانګې ته بريالی شو.او وروسته په اعلی درجه په کال ۱۳۹۷ کې له یادې څانګې څخه فارغ شو.
صفي الله مياخيل په کال په کال ۱۴۰۰ کې د لوګر د لوړو زده کړو مؤسسې د جيولوجي او کانونو پوهنځی د کانونو د رااېستلو په څانګه کې د استاد په توګه شامل شو، همدارنګه نوموړی اوس مهال د کانونو رااېستلو انجنیرۍ څانګې د آمریت سرپرستی هم په غاړه لري.
ښاغلی صفي الله مياخيل په دري، پښتو او انګليسي ژبو خبرې او ليکنې کولای شي.
لوګر پوهنتون د رهبري پیغام
له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.
د همدې موخې د تر لاسه کولو له پاره لوګر پوهنتون دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.
په در نښت
لوګر پوهنتون رئیس
