لوګر د لوړو زده کړو مؤسسې له ۶ بېلابېلو څانګو ۱۱۳ تنه ځوانان په لېسانس زده کړو سمبال فارغ کړل!

logu_admin
شنبه ۱۴۰۴/۵/۱۱ - ۱۵:۲۶
۱۱

شنبه: د ۱۴۰۴ کال اسد/ زمري ۱۱مه او د ۱۴۴۷ صفرالمظفر ۸مه نېټه.
لوګر د لوړو زده کړو مؤسسې د ښوونې او روزنې او همدا راز کرنې پوهنځیو له ۶ بېلابېلو څانګو ۱۱۳ تنه ځوانان په لوړو او مسلکي زده کړو سمبال فارغ کړل.
په دې تړاو جوړه شوې لویه غونډه تېره پنجشنبه ترسره شوه، چې ګډونوال یې د دغې موسسې د رهبري سربېره د کورنیو چارو وزات د تامیناتو معین الحاج مولوي عبدالله مختار، د لوګر مرستیال والي الحاج مولوي محمد انور دین پرور، د لوګر ولایت د علماوو شوراز استازي، د ولایتي ادارو یو شمېر مسؤلین، د دغې موسسې استادان، د لوګر او یو شمېر نورو سیمو قومي مخور او ځوانان او همدا راز د دغې موسسې زده کړیالان وو.
د غونډې پیل د لوګر د مرستیال والي الحاج مولوي محمد انور دین پرور په خبرو سره وشو، نوموړي فارغو زده کړیالانو د مبارکي تر څنګ د دغې موسسې په هر اړخیز پرمختګ لاسته راوړنو او نوښتونو خوښي وښوده او پر زده کړیالانو یې غږ وکړ، چې له دغې تحصیلي دورې تر فراغت وروسته دې په پوره اخلاص د خپل هیواد خدمت وکړي.
ورپسې د دغې موسسې رییس مفتي سید ضیاءالاحمد صارم په خپلو خبرو کې له دغې موسسې څخه فارغ ځوانان د لوړو زده کړو په ډکر کې لاهم ښکېل یاد کړل. ښاغلي صارم يادو زده کړيالانو ته د دوی د لېسانس زده کړو د بشپړېدو د خوښۍ او مبارکۍ سربېره دوی ته د لا نورو لوړو زده کړو په ترسره کولو ټینګار وکړ. نوموړي وويل: که څه هم د هيواد او وکړو اوسنی اقتصادي حالت کمزوری او د ځوان نسل د لوړو زده کړو لپاره یې يو شمېر ننګونې رامخته کړي؛ خو بيا هم بايد له پوهنتون هر فارغ ځوان د دې په لټه کې وي؛ تر څو په لېسانس زده کړو بسنه ونه کړي، زیار وباسي او د دين او وطن د ښه خدمت په موخه دې تر بل هر وخت او هر چا لوړې او ګټورې زده کړې وکړي.
ښاغلي صارم همدا راز له دغه تحصیلي مرکز څخه فارغېدونکي ځوانان مکلف ياد کړل؛ تر څو هغه څه چې یې په تېرو څلورو کلونو کې د لېسانس په کچه زده کړي، تر نور په سمه او سالمه توګه ور ورسوي.
د غونډې بل ویناوال د کورنیو چارو وزات د تامیناتو معین الحاج مولوي عبدالله مختار و، نوموړي هم په خپلو خبرو کې پر فارغو زده کړیالانو ټینکار وکړ، چې اوسنی نظـ؛؛؛ام او وخت تر بل هر څه د لوړو زده کړو لپاره مناسب دی او باید هر ځوان خپل ټول توان په دې برخه کې په پوره اخلاص سره په کار کړي؛ تر څو مونږ د نورو له اشغال او لاس وهنو په امن و اوسو.
ورته مهال د دغې موسسې پخواني رییس پوهندوی دکتور شفیق الله شفقت هم د ديني او عصري علومو پر پياوړتيا ټينګار وکړ او زياته يې کړه، چې د مسلمه امت هر اړخيز پرمختګ او پر ځان بسياینه تر ډېره د عصري علومو پر پياوړتيا او له هغوی څخه پر سالمې ګټې اخيستنې کې ده.
د دې تر څنګ په غونډه کې د لوګر ولايت د امـ؛؛؛ربالمعـ؛؛؛روف او سمع شکاياتو رئيس، شيـ؛؛؛خ مولوي عبدالحکیم حقـ؛؛؛اني، ديني عالم شيـ؛؛؛خ مولوي پيرمحمد حقـ؛؛؛اني او د لوګر ولايت د اطلاعاتو او کلتور رئیس مولوي فيض الله جوهري هم خپلې خبرې د علم پر ارزښت او د ځوان نسل پر مسؤليتونو را وڅرخولې.
بايد وويل شي، چې لوګر د لوړو زده کړو مؤسسه نږدې ۱۱ کلونه د خپل تأسيس له اړخه خپلوي، چې په ټوله کې يې نږدې ۱۰۰۰ تنه فارغان ورکړي او دا یې هم ۹ دوره فارغ ځوانان دي، چې د کرنې پوهنځي په اګرانومي، کرنيز اقتصاد او همدا راز د ښوونې او روزنې پوهنځي په فزیک، ریاضي، بيولوژي او کيميا څانګو کې يې خپلې لېسانس زده کړې بشپړې کړې.
د نشراتو، اړيکو او عامه پوهاوي عمومي مدیریت.

لوګر پوهنتون د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر پوهنتون دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

لوګر پوهنتون رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

چهارشنبه ۱۴۰۴/۷/۲ - ۹:۲۵
Background image

لوګر پوهنتون نویو استادانو ته د وړتیا لوړونې په برخه کې روزنیز سمینار وړاندې شو!

سه شنبه: د ۱۴۰۴ کال تله/ میزان ۱لومړۍ او د ۱۴۴۷ ربیع الاول ۳۰مه نېټه.
لوګر پوهنتون نویو استادانو ته د دغه پوهنتون د نصاب عمومي کمېټې په هڅو د وړتیا لوړونې په برخه کې روزنیز سمینار. . .

پنجشنبه ۱۴۰۴/۶/۲۷ - ۱۰:۴۷
Background image

لوګر پوهنتون اداري کارکوونکو ( په اداره کې د معلوماتي تکنالوژي بنسټیز مهارتونه) تر سرلیک لاندې روزنیز او معلوماتي سمینار وړاندې شو!

پنجشنبه: د ۱۴۰۴ کال سنبله/ وږي ۲۷مه او د ۱۴۴۷ ربیع الاول ۲۵نېټه.
لوګر پوهنتون ټولو اداري کارکوونکو ته ( په اداره کې د معلوماتي تکنالوژي بنسټیز مهارتونه) تر سرلیک لاندې روزنیز او. . .

پنجشنبه ۱۴۰۴/۶/۲۷ - ۱۰:۳۶
Background image

لوګر پوهنتون اداري شورا نوبتي ناسته ترسره شوه!

لوګر پوهنتون اداري شورا نوبتي ناسته د دغه پوهنتون د رئیس مفتي سيدضياءالاحمد صارم په مشري ترسره شوه.
د ناستې په پيل کې لوګر پوهنتون رئيس د ښه راغلاست تر څنګ ټولو اداري کارکوونکو او د. . .

BACK TO NEWS