لوګر د لوړو زده کړو مؤسسې له ۶ بېلابېلو څانګو ۱۱۳ تنه ځوانان په لېسانس زده کړو سمبال فارغ کړل!

logu_admin
Sat, Aug 02 2025 3:26 PM
۱۱

شنبه: د ۱۴۰۴ کال اسد/ زمري ۱۱مه او د ۱۴۴۷ صفرالمظفر ۸مه نېټه.
لوګر د لوړو زده کړو مؤسسې د ښوونې او روزنې او همدا راز کرنې پوهنځیو له ۶ بېلابېلو څانګو ۱۱۳ تنه ځوانان په لوړو او مسلکي زده کړو سمبال فارغ کړل.
په دې تړاو جوړه شوې لویه غونډه تېره پنجشنبه ترسره شوه، چې ګډونوال یې د دغې موسسې د رهبري سربېره د کورنیو چارو وزات د تامیناتو معین الحاج مولوي عبدالله مختار، د لوګر مرستیال والي الحاج مولوي محمد انور دین پرور، د لوګر ولایت د علماوو شوراز استازي، د ولایتي ادارو یو شمېر مسؤلین، د دغې موسسې استادان، د لوګر او یو شمېر نورو سیمو قومي مخور او ځوانان او همدا راز د دغې موسسې زده کړیالان وو.
د غونډې پیل د لوګر د مرستیال والي الحاج مولوي محمد انور دین پرور په خبرو سره وشو، نوموړي فارغو زده کړیالانو د مبارکي تر څنګ د دغې موسسې په هر اړخیز پرمختګ لاسته راوړنو او نوښتونو خوښي وښوده او پر زده کړیالانو یې غږ وکړ، چې له دغې تحصیلي دورې تر فراغت وروسته دې په پوره اخلاص د خپل هیواد خدمت وکړي.
ورپسې د دغې موسسې رییس مفتي سید ضیاءالاحمد صارم په خپلو خبرو کې له دغې موسسې څخه فارغ ځوانان د لوړو زده کړو په ډکر کې لاهم ښکېل یاد کړل. ښاغلي صارم يادو زده کړيالانو ته د دوی د لېسانس زده کړو د بشپړېدو د خوښۍ او مبارکۍ سربېره دوی ته د لا نورو لوړو زده کړو په ترسره کولو ټینګار وکړ. نوموړي وويل: که څه هم د هيواد او وکړو اوسنی اقتصادي حالت کمزوری او د ځوان نسل د لوړو زده کړو لپاره یې يو شمېر ننګونې رامخته کړي؛ خو بيا هم بايد له پوهنتون هر فارغ ځوان د دې په لټه کې وي؛ تر څو په لېسانس زده کړو بسنه ونه کړي، زیار وباسي او د دين او وطن د ښه خدمت په موخه دې تر بل هر وخت او هر چا لوړې او ګټورې زده کړې وکړي.
ښاغلي صارم همدا راز له دغه تحصیلي مرکز څخه فارغېدونکي ځوانان مکلف ياد کړل؛ تر څو هغه څه چې یې په تېرو څلورو کلونو کې د لېسانس په کچه زده کړي، تر نور په سمه او سالمه توګه ور ورسوي.
د غونډې بل ویناوال د کورنیو چارو وزات د تامیناتو معین الحاج مولوي عبدالله مختار و، نوموړي هم په خپلو خبرو کې پر فارغو زده کړیالانو ټینکار وکړ، چې اوسنی نظـ؛؛؛ام او وخت تر بل هر څه د لوړو زده کړو لپاره مناسب دی او باید هر ځوان خپل ټول توان په دې برخه کې په پوره اخلاص سره په کار کړي؛ تر څو مونږ د نورو له اشغال او لاس وهنو په امن و اوسو.
ورته مهال د دغې موسسې پخواني رییس پوهندوی دکتور شفیق الله شفقت هم د ديني او عصري علومو پر پياوړتيا ټينګار وکړ او زياته يې کړه، چې د مسلمه امت هر اړخيز پرمختګ او پر ځان بسياینه تر ډېره د عصري علومو پر پياوړتيا او له هغوی څخه پر سالمې ګټې اخيستنې کې ده.
د دې تر څنګ په غونډه کې د لوګر ولايت د امـ؛؛؛ربالمعـ؛؛؛روف او سمع شکاياتو رئيس، شيـ؛؛؛خ مولوي عبدالحکیم حقـ؛؛؛اني، ديني عالم شيـ؛؛؛خ مولوي پيرمحمد حقـ؛؛؛اني او د لوګر ولايت د اطلاعاتو او کلتور رئیس مولوي فيض الله جوهري هم خپلې خبرې د علم پر ارزښت او د ځوان نسل پر مسؤليتونو را وڅرخولې.
بايد وويل شي، چې لوګر د لوړو زده کړو مؤسسه نږدې ۱۱ کلونه د خپل تأسيس له اړخه خپلوي، چې په ټوله کې يې نږدې ۱۰۰۰ تنه فارغان ورکړي او دا یې هم ۹ دوره فارغ ځوانان دي، چې د کرنې پوهنځي په اګرانومي، کرنيز اقتصاد او همدا راز د ښوونې او روزنې پوهنځي په فزیک، ریاضي، بيولوژي او کيميا څانګو کې يې خپلې لېسانس زده کړې بشپړې کړې.
د نشراتو، اړيکو او عامه پوهاوي عمومي مدیریت.

Message of the Chancellor of Logar Institute of Higher Education

After achieving complete freedom from the oppressive occupation, our Islamic system and society need to progress in every aspect of life. For the advancement of a society, its individuals need to be equipped with both religious and modern education.
To achieve this goal, Logar Institute of Higher Education considers it its mission and responsibility to educate students who are not only committed and professional but also devoted to their faith and country. In the future, these graduates will play a constructive role in the development of their country and in achieving lofty objectives, fostering creativity and innovation.

President of Logar Institute of Higher Education

 

Mufti Seyyed Zia-ul-Ahmad Sarem
sarem photo

تازه خبرونه

Tue, Jul 29 2025 2:06 PM
Background image

لوګر د لوړو زده کړو موسسه کې د پسرلني سمستر ازموینې په منظم ډول روانې دي!

یکشنبه: د ۱۴۰۴کال جنګاښ/ سرطان ۲۲مه او د ۱۴۴۷ محرم الحرام ۱۷مه نېټه.
لوګر د لوړو زده کړو موسسه کې د ۱۴۰۴کال پسرلني سمستر د پای ازموینې له منظم مهالوېش او د دغې موسسې د رهبري او همدا راز. . .

Tue, Dec 24 2024 12:07 PM
Background image

د شرعیاتو او همدا راز جیولوجي او کانونو پوهنځيو له اداري چارو او د ازموینو له لړۍ لیدنه او څارنه وشوه!

سه شنبه: د ۱۴۰۳ کال جدي/مرغومې ۴مه او د ۱۴۴۶جمادی الثانی ۲۲مه نېټه.
 لوګر د لوړو زده کړو موسسې د رییس مولوي ضياءالاحمد صارم لخوا د دغې موسسې د شرعیاتو او جیولوجي او کانونو پوهنځيو له. . .

Mon, Dec 23 2024 11:55 AM
Background image

لوګر د لوړو زده کړو موسسې رییس د ازموینو بهیر او اړوندې اداري چارې له نږدې ولیدې!

کشنبه: د ۱۴۰۳ کال جدي/مرغومې ۲مه او د ۱۴۴۶ جمادی الثانی ۲۰مه نېټه.
لوګر د لوړو زده کړو موسسې رییس مولوي ضیاءالاحمد صارم د دغې موسسې د خزاني سمستر د ازموینو له بهیر او اړوندو اداري چارو. . .

BACK TO NEWS