استادانو ته ( د کيفي څېړنې ډولونه او د ګټې اخيستنې تخنيکونه) تر سرليک لاندې سمينار وړاندې شو؛
سه شنبه: د ۱۴۰۴ کال جدي/ مرغومې ۱۶مه او د ۱۴۴۷ رجب المرجب ۱۶مه نېټه.
لوګر پوهنتون استادانو ته ( د کيفي څېړنې ډولونه او د ګټې اخيستنې تخنيکونه) تر سرليک لاندې روزنيز سمينار د دغه پوهنتون د څېړنو او علمي مجلې آمريت لخوا وړاندې شو.
دغه روزنيز سمينار چې د لوګر پوهنتون د علمي او محصلانو چارو معاونيت اړوند د څېړنو او علمي مجلې آمر پوهنوال دکتور وحيدالله عبدالرحيم زي لخوا د مسلکي پراختيا مرکز په تالار کې وړاندې شو، ګډونوال يې د دغه پوهنتون ګڼ شمېر استادان وو.
ورته مهال د دغه پوهنتون سرپرست رئيس پوهندوی مولوي ميرويس ستانکزي خوښي وښوده، چې لوګر پوهنتون په خپلو کادري غړو کې داسې وړتيا لرونکي او لوړ رتبه استادان لري، چې پر مټ يې نورو استادانو او اداري کارکوونکو ته په اړونده او مسلکي برخو کې روزنيز سمينارونه وړاندې کوي. نوموړي همدا راز د څېړنو او علمي مجلې له آمر ښاغلي عبدالرحيم زي څخه د مننې ترڅنګ پر استادانو ټینګار وکړ، چې له دا ډول روزنیزو سمينارونو څخه د پام وړ ګټه واخلي.
د نشراتو، اړيکو او عامه پوهاوي عمومي مدیریت.
