لوګر د لوړو زده کړو موسسې او د لوګر تخنیکي او مسلکي زده کړو ادارې ترمنځ د ګډو همکاریو هوکړه لیک لاسلیک شو!
دوشنبه: د ۱۴۰۴کال سرطان/چنګاښ ۱۶مه او د ۱۴۴۷ محرم الحرام ۱۱مه نېټه.
لوګر د لوړو زده کړو موسسې او د لوګر تخنیکي او مسلکي زده کړو ادارې تر منځ د ګډو همکاریو هوکړه لیک د جیولوجي او کانونو او همدا راز د کرنې پوهنځیو د عملي زده کړو او تجربو شریکولو په موخه لاسلیک شو.
د دغه هوکړه لیک د لاسلیک پر مهال لوګر د لوړو زده کړو موسسې رییس مفتي سید ضیاءالاحمد صارم او د لوګر د تخنیکي او مسلکي زده کړو ادارې آمر الحاج حبیب الله حبیبي له یاد هوکړه لیک څخه موخه د دواړو علمي او تحصیلي ادارو معنوي او اساسي پرمختګ او ګډه همکاري یاده کړه او زیاته یې کړه، چې په دې سره به د دغې موسسې د جیولوجي او کانونو پوهنځي او همدا راز د کرنې پوهنځي زده کړیالان د عملي زده کړو او تجربو ترسره کولو په موخه د لوګر د تخنیکي او مسلکي زده کړو ادارې له څېړنیز فارم او همدا راز مسلکي ماشین آلاتو څخه ګټه پورته کوي او د دې تر څنګ به د دغې موسسې د اړوندو برخو استادان هم د اړتیا پر مهال خپلې علمي او عملي تجربې، روزنیز ورکشاپونو او سمینارونه اوځینې نورې علمي برنامي د یادې ادارې له استادانو او زده کړیالانو سره شریکوي.
لوګر د لوړو زده کړو موسسې او د لوګر تخنیکي او مسلکي زده کړو ادارې ترمنځ د ګډو همکاریو هوکړه لیک په داسې حال کې لاسلیک کیږي، چې په دې ورستیو کې د دغې موسسې او د لوګر د پوهنې ریاست ترمنځ هم په ورته علمي برخو کې دا ډول هوکړه لیک لاسلیک شوی دی.
د نشراتو، اړیکو او عامه پوهاوي عمومي مدیریت.
