۱۱.۵. فزیک څانګه

لوګر پوهنتون

علمي او محصلانو چارو معاونیت

ښوونې او روزنې پوهنځي

فزیک څانګه

د څانګې مخینه:

د ریاضي – فزیک څانګه د ښوونې او روزنې پوهنځي له ایجاد سره سم د لوړو زده کړو وزارت د (۵۷۵) ګڼې د وړاندیز  او د ۱۳۹۳/۱۲/۱۳ نيټې او د تیر دولت ریاست د عالي مقام د (۱۲۰۰) ګڼې حکم د ۱۳۹۲/۲/۲۰ نېټې سره ایجاد او د څلور تنو علمي کادر غړو په درلودو یې په فعالیت پیل وکړ.

لوګر پوهنتون د (۱۶۵) ګڼې وړاندیز او د ۱۳۹۴/۳/۲۵ نېټې سره سم د لوړو زده کړو وزارت د انسجام او اکاډمیکو چارو له ریاست څخه د یادو څانګو د بېل والي غوښتنه وکړه، چې خوشبختانه بیا د (۱۱۴) ګڼې حکم پر بنسټ د ۱۳۹۴/۴/۹ نېټې سره سم د تقنین او پراختیایي آمریت له لوري د علمي بورډ د ۱۳۹۴/۴/۸ نېټې د پریکړې پر بنسټ د فزیک څانګه د نورو څانګو په څېر مستقله ډول په فعالیت پیل وکړ، چې یاده څانګه اوس مهال شپږ تنه علمي کادر غړي لري.

لرلید

د فزیک څانګه هڅه کوي چې د هیواد په کچه مسلکي  او متخصص ښوونکو د روزنې مرکز په توګه اکاډمیک اعتبار ترلاسه او ځانګړی مقام خپل کړي.

رسالت

د معیاري زده کړو، د معاصرې تکنالوژی، د تدریس نویو میتودونو، لازمومهارتونو او ملي تګلارو  پر بنسټ د فزیک متخصص کادرونو او مسلکي ښوونکو روزنه.

 

پورته د څانګې لرلید او رسالت د څانګې په (    ۷    ) ګڼه پروتوکول او    ۶ /    ۴   /  ۱۴۴۷  هـ . ق مطابق   د  ۶ / ۷ / ۱۴۰۴ هــ. ش نيټه جلسه، د پوهنځي ستراتیژیک پلان کمېټې په  (   ۷    ) ګڼه پروتوکول او  ۱۵ /  ۴   / ۱۴۴۷ هـ . ق مطابق د  ۱۵ / ۷ / ۱۴۰۴ هــ. ش نېټه جلسه او همدارنګه د پوهنځي علمي شورا   (۸  ) ګڼه پروتوکول او     ۲۰   /     ۴   /۱۴۴۷ هـ . ق مطابق د۲۰ / ۷ / ۱۴۰۴ هــ. ش نېټه جلسه کې ثبت دي.

تشکیلاتي جدول:

نوم	تخلص	علمي رتبه	وظیفه
شبیر الله	حیات	پوهنیار	فزیک څانګې آمر
محمد شریف	سلطاني	پوهنمل	مسلکي پراختیا مرکز آمر
ذبیح الله	احمدي	پوهنیار	علمي کادر غړی
احمد ضیا	زاهد	نوماند پوهنیار	علمي کادر غړی
علی جان	غلامي	نوماند پوهنیار	علمي کادر غړی
حضرت میر	احمدزی	نوماند پوهنیار	علمي کادر غړی

 

د فزیک څانګې فارغو محصلانو لپاره کاري فرصتونه:

۱: د پوهنې وزارت تر چتر لاندې د فزیک متخصص او څیړونکي په توګه

۲: په پوهنتونونو او علومو اکاډمۍ کې د استاد، څېړونکي یا علمي غړي په توګه.

۳: علومو اکاډمۍ غړیتوب

۴: کانکور اماده ګۍ ښوونیزو مرکزنو کې د فزیک مسلکي استاد په توګه

۵: د اتومي انرژي څیړونکي په توګه

۶: تخنیکي او مسلکي زده کړو عمومي اداره کې د فزیک مسلکي غړي او استاد په توګه

۷: مخابراتو وزارت تر چتر لاندې د فزیک کار پوه په توګه

۸: د انرژۍ او سولر پروژو کې د څیړونکي په توګه

۹: انجینرٍي او صنعتي سکتور تر چتر لاندې د فزیک کار پوه په توګه

۱۲.۳. د فزیک څانګې د آمر بیوګرافي

پوهنیار شبیرالله حیات

پوهنیار شبیرالله حیات د الف خان زوی ، په ۱۳۶۸ ه. لمریز کال  وردګو ولایت  چک ولسوالۍ  مسجد درې بایان کلي  په یوه متدینه او  مجاهده کورنی کې زېږېدلی.  لومړنۍ  او متوسطه زده کړې یې د مهاجرت پر مهال ګاوندي هیواد پاکستان کې او ثانوي زده کړې یې په ۱۳۸۷ ه.لمريز کال کې د رحمان بابا په لېسه کې  په عالی درجه بشپړې کړې.

استاد په ۱۳۸۹ ه. لمریز کال کې د کابل ښوونې او روزنې پوهنتون طبعی علومو پوهنځي فزیک څانګې ته بریالی او په ۱۳۹۲ لمریز کال کې یې په بریالیتوب سره د لیسانس دوره بشپړه کړه.

استاد  حيات  په ۰۹/۰۴/۱۳۹۳ ه. لمریز کال کې د پوهنې وزارت د تعليمي نصاب د پراختيا  او درسی کتابونو تالیف لوی رياست فزيک څانګه کې د علمي غړي په توګه مقرر او په ياده څانګه کې له څه باندې يو کال خدمت کولو وروسته د لوړو زده کړو وزارت له خوا د کابل د ښوونې او روزنې پوهنتون کې لوګر پوهنتون ته د علمي کارد غړو استخدام په موخه ترسره شوې  ازادې سيالۍ  له لارې د پوهنتون د ښوونې او روزنې پوهنځی فزیک څانګې کې  دلوړو زده کړو وزارت محترم مقام د ۱۳۹۴ لمریز کال  وږي  ۲۱ نیټې ۵۵۱۵ ګڼې حکم پربنسټ د استاد( نوماند پوهیالي) په صفت مقرر شو.

استاد حيات ۱۳۹۷ لمریزکال وږې په ۳۱ قزاقستان هیواد الفارابی فوق لیسانس  برنامې ته بریالی او په  ۱۴۰۰ ه. لمریز کال کې  د یاد پوهنتون  فزیک پوهنځي نظري او هسته یي فزیک څانګې څخه د ماسټرۍ سند ترلاسه کړ.

په دې وروستیو کې استاد د لوړو زده کړو وزارت د ۳۱۲ ګنې او  ۵/۱/۱۴۴۴ نیټې حکم پر اساس د فزیک څانګې آمر په توګه ټاکل شوی دی.

د فزیک څانګه کتلاک