لوګر د لوړو زده کړو موسسې د څلورګونو پوهنځیو زده کړیالانو ته فکري-اصلاحي سمینارونه پیل شول! سه شنبه: د ۱۴۰۳ کال عقرب/لړم ۲۲مه او د ۱۴۴۶ جمادی الاول ۱۰مه نېټه.
لوګر د لوړو زده کړو موسسې د څلورګونو پوهنځیو زده کړیالانو ته د دغې موسسې د دعوت او ارشاد آمریت لخوا فکري-اصلاحي سمینارونه پیل شول.
په یادو سمینارونو کې د هر پوهنځي زده کړیالانو ته د دعوت او ارشاد آمر مولوي خلیل احمد نثار لخوا د (قانون مصدر عقل دی که شرعه؟) او همدا راز د (اسلامي نظام ځانګړنې) تر سرلیکونو لاندې ارزښتمن او اړین درسونه او معلومات وړاندې کیږي، چې نږدې څلور ورځې به دوام لري.
د نشراتو، اړیکو او عامه پوهاوي لوی مدیریت.
