لوګر د لوړو زده کړو موسسې او د لوګر د اطلاعاتو او کلتور ریاست تر منځ د ګډو همکاریو هوکړه¬لیک لاسلیک شو!
چهارشنبه: د ۱۴۰۴ کال جوزا/غبرګولي ۲۸مه او د ۱۴۴۶ ذوالحجة الحرام ۲۱مه نېټه.
لوګر د لوړو زده کړو موسسې او د لوګر د اطلاعاتو او کلتور ریاست تر منځ د ګډو همکاریو هوکړه¬لیک د دغې موسسې زده کړیالانو ته د ښوونیزو، علمي او کلتوري برنامو د برابرولو سربېره استادانو او زه کړیالانو لپاره د لرغونو سیمو ته د علمي سفرونو د برابرولو په موخه لاسلیک شو.
په دې تړاو جوړ شوی مجلس د دغې موسسې د رییس مفتي سید ضیاءالاحمد صارم، د لوګر د اطلاعاتو او کلتور رییس دکتور رفیع الله صمیم، د دغې موسسې د علمي ام محصلانو چارو مرستیال پوهندوی مولوي میرویس ستانکزي، مالي او اداري مرستیال مولوي فضل الربي مصطفی، د څلورګونو پوهنځیو د رییسانو، استادانو، اداري کارکوونکو او یو شمېر زده کړیالانو په ګډون شاهد و.
د دغه هوکړه لیک د لاسلیک پرمهال د دواړه لوریو لخوا ژمنه وشوه، چې د ګډو علمي څېړنو، استادانو او زده کړیالانو لپاره لرغونو سیمو ته د علمي سفرونو د برابرولو او د بین المللي ژبو او کمپیوټر زده کړو، ځوانانو لپاره د روزنیزو برنامو جوړولو، د محلي کلتور د ساتنې او یو شمېر نورو برخو کې له یو بل سره پوره همکار پاتې کیږي.
دغه هوکړه لیک اسې مهال لاسلیک کیږي، چې له دې وړاندې هم لوګر د لوړو زده کړو موسسې او د لوګر پوهنې رياست تر منځ د ګډو همکاريو هوکړه ليک د علمي او څېړنيزو پرمختګونو او مسلکي تجربو شريکولو په موخه لاسليک شو.
د نشراتو، اړیکو او عامه پوهاوي عمومي مدیریت
