لوګر د لوړو زده کړو موسسې استادانو ته د مونوګراف لیکنې د نوي لارښود په اړوند روزنیز سمینار وړاندې شو!
شنبه: د ۱۴۰۳ کال میزان/تلې ۱۴مه او د ۱۴۴۶ ربیع الثانی ۲مه نېټه.
لوګر د لوړو زده کړو موسسې استادانو ته د دغې موسسې د څېړنو او علمي مجلې آمر پوهندوی دکتور وحیدالله عبدالرحیم زي لخوا د مونوګراف لیکنې د نوي لارښود اړوند روزنیز سمینار وړاندې شو.
د یاد سمینار ګډونوال د دغې موسسې د علمي او محصلانو چارو مرستیال پوهندوی دکتور شفیق الله شفقت سربېره د څلورګونو پوهنځیو رییسان، د څانګو آمرین او استادان وو. په یاد سمینار کې د مونوګراف لیکنې د نوي لارښود په اړوند نوي، اړین او ارزښتمند معلومات او لازم معیارونه وړاندې شول.
یاده دې وي، چې د دغې موسسې زده کړیالانو ته دې ته ورته روزنیز سمینارونه وخت پر وخت ترتیب او وړاندې کیږي.
د نشراتو، اړیکو او عامه پوهاوي لوی مدیریت.