لوګر د لوړو زده کړو موسسې اداري کارکوونکو ته (د ښو اخلاقو ګټې او د ناوړه اخلاقو بېلګې) په اړوند روزنیز سمینار وړاندې شو!
سه شنبه: د ۱۴۰۳ کال سنبله/وږي ۲۰مه او د ۱۴۴۶ ربیع الاول ۷مه نېټه.
لوګر د لوړو زده کړو موسسې ټولو اداري کارکوونکو ته د دغې موسسې د اسلامي ثافت څانګې استاد پوهنیار مولوي شفیع الرحمن هاشمي لخوا (د ښو اخلاقو ګټې او د ناوړه اخلاقو بېلګې) په اړوند روزنیز سمینار وړاندې شو.
یاد سمینار د دغې موسسې د دعوت او ارشاد آمریت له درسي مهالوېش سره سم ترتیب شوی و. په سمینار کې ښاغلي استاد هاشمي وړاندې کړل، چې ښه اخلاق د انسان ټولنیز ژوند ښایسته کوي او د انسان پر شخصیت جوړونه مثبت تاثیرات لري. همدا راز په یاد سمینار کې ټینګار وشو، چې هر مسلمان باید د ژوند په چارو کې له تکبر/لویي، حسد، خودخواهي او نورو بدبینیو څخه ځان وساتي او پر ځای یې تقوا، نېک اخلاق او سالمه رویه په ځان کې راولي.
