لوګر د لوړو زده کړو موسسه کې د کانکور ازموینې بایومتریک لړۍ نن سهار پیل او په منظمه توګه مخ پر وړاندې ځي!
دوشنبه: د ۱۴۰۴ کال جوزا/ غبرګولي ۵مه او د ۱۴۴۶ ذوالقعده ۲۷مه نېټه.
لوګر د لوړو زده کړو موسسه کې د ۱۴۰۴ هـ. ل کال عمومي کانکور ازموینې لپاره د دولسم پاسو او څوارلسم پاسو زده کوونکو د بایومتریک لړۍ نن سهار پیل او په منظمه توګه مخ پر وړاندې ځي.
له دغې لړۍ څخه د لیدنې پرمهال لوګر د لوړو زده کړو موسسې رهبري د ازموینې ګډونوالو ته د شته امکاناتو پر مټ د هر اړخیزو همکاریو ډاډ ورکړ.
د بایومتریک د لړۍ تخنیکي چارې د ازموینو ملي ادارې لخوا د راغلې ځانکړې ډلې لخوا ترسره کیږي، چې د ازموینې تر ورځې به دوام کوي.
باید وویل شي، چې د ازموینو ملي اداري د رسمي اعلان له مخې د هیواد د یو شمېر نور ولایتونو سربېره په لوګر ولایت کې هم د کانکور ازموینې لپاره د روان ۱۴۰۴هـ ق کال د جوزا/ غبرګولي میاشتې ۵مه او ۶مه (دوشنبه او سه شنبه) ورځې د بایومتریک او همدا راز د جوزا/ غبرګولي میاشتې ۷مه، ۸مه او ۹مه ( چهارشنبه، پنجشنبه او جمعه) ورځې د ازموینې لپاره ټاکل شوې دي.
د نشراتو، اړیکو او عامه پوهاوي عمومي مدیریت.
