لوګر د لوړو زده کړو موسسه کې د دیني مدرسو له علماوو څخه د علمي سویې د ثبیت ازموینه واخیستل شوه!
چهارشنبه: د۱۴۰۳ کال کب/حوت ۸مه او د ۱۴۴۶ شعبان المعظم ۲۷مه نېټه.
لوګر د لوړو زده کړو موسسه کې د لوګر ولایت د دیني مدرسو له شاوخوا ۳۰۰ تنو علماء کرامو څخه د خامسې او مافوق الثانویې درجو د علمي سویې د تثبيت ازموینه واخیستل شوه.
یاده ازموینه د ازموینو ملي ادارې لخوا لوګر د لوړو زده کړو موسسې او د لوګر پوهنې ریاست په ګډه همکاري واخستل شوه.
د لوګر ولایت د پوهنې ریاست ویاند ښاغلي محمدشاپور عرب د راپور له مخې په دغې ازموینه کې د دیني مدرسو ۴۹۷ علماء کرامو برخه اخېستې وه، چې له ډلې یې ۳۰۰ تنه نارینه دیني عالمان او ۱۹۷ تنه ښځینه دیني عالمانې وې، چې ازموينه يې په دوو بېلا- بېلو حوزو کې تنظیم شوې وه او په خورا روڼتیا او نظم سره واخیستل شوه.
بايد وويل شي، چې د خامسې درجې بریالیو ته به د دولسم ټولګي او د مافوق الثانویې بریالیو ته به د څوارلسم ټولګي په کچه د فراغت سندونه ورکړل شي.
