د جیولوجي او کانونو پوهنځي زده زده کړیالانو د لوګر (مس عینک کان) ته علمي سفر ترسره کړ!
پنجشنبه: د ۱۴۰۴ کال سرطان/ چنګاښ ۱۲مه او د د۱۴۴۷ محرم الحرام ۷مه نېټه.
لوګر د لوړو زده کړو موسسې د جیولوجي او کانونو پوهنځي د کانونو پلټنې او اکتشاف څانګې (۲۹) تنو زده کړیالانو د لوګر (مس عینک کان) ته علمي سفر ترسره کړ.
دغو زده کړیالانو د خپلو درې تنو استادانو په لارښوونه یاد علمي سفر ترسره کړ، چې په کې یې د مس عینک کان له بېلابېلو برخو څخه لیدنه وکړه. یادو زده کړیالانو او لارښودو استادانو یې د ( اېم سي سي) چینایي قراردادي شرکت د مسؤلینو په همکاري له بېلابېلو مسلکي ماشینونو، د قیمتي ډبرو له ځانګړو خوندي ځایونو، لابراتوارونو او همدا راز د برمه کاري له ساحو څخه د لیدنې تر څنګ د مسلکي برخې ځانګړې تجربې ترلاسه کړې.
دغه علمي سفر په داسې حال کې ترسره کیږي، چې تېره اونۍ هم د دې پوهنځي د ګټورو جامدو موادو استخراج څانګې ۴۰ تنو محصلانو د بغلان پوهنتون په همغږۍ د یاد ولایت له مهمو معدني او صنعتي ځایونو څخه د علمي سیر په ترڅ کې لیدنه وکړه.
د نشراتو، اړیکو او عامه پوهاوي عمومي مدیریت.
