لوګر پوهنتون کې د ( اسلام او غرب او د روان وضعیت ننګونې او وړاندیزونه) تر سرلیک لاندې روزنیز فکري سمینار وړاندې شو!
دوشنبه: د ۱۴۰۴ کال اسد/ زمري ۲۷مه او د ۱۴۴۷ صفرالمظفر ۲۴مه نېټه.
لوګر پوهنتون کې د دغه پوهنتون استادانو، اداري کارکوونکو او د څلورګونو پوهنځیو د څلورمو ټولګیو زده کړیالانو ته د ( اسلام او غرب او د روان وضعیت ننګونې او واندیزونه) تر سرلیک لاندې روزنیز فکري سمینارد پوهنتون په لوی تالار کې وړاندې شو.
دغه روزنیز فکري سمینار، چې لوګر پوهنتون د دعوت او ارشاد آمریت لخوا ترتیب شوی و د کورنیو چارو وزارت د تامیناتو معینیت سلاکار حافظ مولوي احمدالله احمدزي لخوا وړاندې شو. نوموړي په یاد سمینار کې د اسلام پر تاريخچې، ارزښتونو او همدا راز د غربي فکرونو او موخو پر وړاندې د ځوانانو پر مسؤلیتونو ارزښتمن معلومات او درسونه راغونډ کړي وو، چې د کډونوالو د خورا ښې پاملرنې وړ وګرځېدل.
یاده دې وي، چې د سمینار په وروستو کې کې د ګډونوالو له ډلې د یو شمېر استادانو او اداري کارکوونکو اړوندې پوښتنې هم د ښاغلي حافظ مولوي احمدالله احمدزي لخوا ځواب شوې.
د نشراتو، اړیکو او عامه پوهاوي عمومي مدیریت
