لوګر د لوړو زده کړو موسسې د جیولوجي او کانونو پوهنځي زده کړیالانو د کابل پولي تخنیک پوهنتون ته علمي سفر ترسره کړ!
یکشنبه: د ۱۴۰۳ کال عقرب/لړم ۲۷مه او د ۱۴۴۶ جمادی الاول ۱۵مه نېټه.
لوګر د لوړو زده کړو موسسې د جیو لوجي او کانونو پوهنځي د تفحص او اکتشاف څانګې د څلورم ټولګي زده کړیالانو د کابل پولي تخنیک پوهنتون ته د عملي زده کړو او پرکتیک په موخه علمي سفر ترسره کړ.
یاد علمي سفر د جیولوجي او کانونو پوهنځي د یوتن استاد پوهنیار محمد خالد درمان او همدا راز د یاد پوهنځي لابرانت احسان الله توحیدیار په لارښوونې سره ترسره شو. په علمي سفر کې یادو زده کړیالانو د (جیوفزیک) او (انجنیري جیولوجي) مضمون اړوند د پام وړ عملي زده کړې او تجربې ترلاسه کړې.
باید وویل شي، چې د یاد پوهنځي زده کړیالان تر دې وړاندې هم د کابل پولي تخنیک پوهنتون سربېره ځینو نورو کان لرونکو سیمو ته هم په علمي سفرونو تلي وو.
د نشراتو، اړیکو او عامه پوهاوي لوی مدیریت.
