لوګر د لوړو زده کړو موسسې لخوا د لوګر د مرکز او ټولو ولسوالیو د ښوونځیو آمرینو او مدیرانو ته د کانکور ازموینې اړوند ښوونیز سمینار وړاندې شو!

logu_admin
سه‌شنبه ۱۴۰۴/۴/۳ - ۱۶:۵
۱۱

چهارشنبه: د ۱۴۰۴ کال ثور/ غویي ۳۱مه او د ۱۴۴۶ ذوالقعده ۲۳مه نېټه.
لوګر د لوړو زده کړو موسسې لخوا د لوړو زده کړو وزارت په رسمي هدایت د لوګر ولایت پوهنې ریاست کې د دې ولایت د مرکز او ولسوالیو د ښوونځیو آمرینو او مدیرانو ته د کانکور ازموینې په اړوند د عامه پوهاوي ښوونیز سمینار وړاندې شو .
 د دغه سمینار پیل لوګر د لوړو زده کړو موسسې د رهبري او همدا راز د لوګر د پوهنې ریاست د مسؤلینو په شتون سره وشو. لوګر د لوړو زده کړو موسسې رییس مفتي سیدضیاءالاحمد صارم په خپلو خبرو کې دا ډول سمینارونه د ښوونځیو د مسؤلینو او د دولسمو ټولګیو د فارغو زده کوونکو لپاره خورا اړین او ارزښتمن یاد کړل او زیاته یې کړه، چې په هیواد کې ټولې تحصیلي او د پوهنې په برخو کې ښوونیزې ادارې د خپل اساسي مسؤلیت له مخې جلاوالی نه لري او باید تل له یو بل سره په پوره همغږي د ځوان نسل د ښې او مسلکي روزنې لپاره کار وکړي. ورپسې د دغسې موسسې لخوا د جوړې شوې ځانګړې کمېټې استادانو د کانکور پر تخنیکي او نورو لازمو اړخونو ترتیب شوی سمینار په درېیو برخو کې وړاندې کړ. 
که څه هم په یاد سمینار کې ګډونوال یوازې د ښوونځیو مسؤلین وو؛ خو موخه یې په راتلونکي کې د همدې مسؤلینو پرمټ د اړوندو ښوونځیو او لېسو د دولسمو ټولګیو زده کوونکو ته د کانکور ازموینې په اړوند عامه پوهاوی و، تر څو راتلونکی نسل د خپلو لویو اسلامي او ملي هیلو د پوره کېدو لپاره لنډې او هوسا لارې ومومي.
دعامه پوهاوي دغه معلوماتي او ښوونیز سمینار په داسې حال کې وړاندې کیږي، چې لوګر د لوړو زده کړو موسسې لخوا په لوګر کې د سږ کال کانکور ازموینې ګډونوالو لپاره له کانکور ازموینې سره د بلدتیا په موخه راتلونکې شنبه ورځ د روان کال د جوزا میاشتې په (۴) مه نېټه په وړیا ډول ازمایښتي کانکور ازموینه هم په کره او رڼه توګه اخستل کیږي.
د نشراتو، اړیکو او عامه پوهاوي عمومي مدیریت.

لوګر دلوړو زده کړو موسسې د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

مفتي سید ضیاءالاحمد صارم

لوګر دلوړو زده کړو موسسې رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

یکشنبه ۱۴۰۴/۵/۲۶ - ۱۵:۵۲
Background image

د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار لارښود تر سرلیک لاندې یو ورځنی روزنیز سمینار وړاندې شو!

یکشنبه: د ۱۴۰۴ کال اسد/ زمري ۲۶مه او د ۱۴۴۷ صفرالمظفر ۲۳مه نېټه. 
لوګر پوهنتون د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار. . .

یکشنبه ۱۴۰۴/۵/۲۶ - ۱۵:۴۸
Background image

لوګر د لوړو زده کړو مؤسسه، لوګر پوهنتون شو!

شنبه: د ۱۴۰۴ کال اسد/ زمری ۲۵مه او د ۱۴۴۷ صفرالمظفر ۲۲مه نېټه.
لوګر پوهنتون رهبري د هیواد په کچه د ټولو لوړو زده کړو موسسو د نوم بدلېدل پوهنتونونو ته د لوړو زده کړو وزارت رښتینې هڅې او. . .

یکشنبه ۱۴۰۴/۵/۲۶ - ۱۵:۴۶
Background image

لوګر د لوړو زده کړو موسسې اداري کارکوونکو ته د تضمین کیفیت ۱۱ ګوني معیارونه د دوه ورځني سمینار په لړ کې تشریح شول!

چهارشنبه: د ۱۴۰۴ کال اسد/ زمري ۲۲مه او د ۱۴۴۷ صفرالمظفر ۱۹مه نېټه.
لوګر د لوړو زده کړو موسسې ټولو اداري کارکوونکو ته د تضمین کیفیت ۱۱ ګوني معیارونه، چې د لوړو زده کړو وزارت د تضمین. . .

BACK TO NEWS