لوګر د لوړو زده کړو موسسې د هوکړه لیکونو او اړیکو عمومي کمېټې نوبتي ناسته ترسره شوه!
سه شنبه: د ۱۴۰۴ جوزا/ غبرګولي ۱۳مه او د ۱۴۴۶ ذوالحجة الحرام ۶مه نېټه.
لوګر د لوړو زده کړو موسسې د هوکړه لیکونو او اړیکو عمومي کمېټې میاشتنۍ نوبتي ناسته د دغې موسسې د رییس مفتي سیدضياءالاحمد صارم په مشري ترسره شوه.
د ناستې پرمهال د دغې موسسې د رییس لخوا د یادې کمېټې پر غړو له ښکېلو ادارو سره پر شویو هوکړه لیکونو د پلي کولو ټینګار وشو او زیاته شوه، چې له هوکړه لیکونو دې پر وخت او اړوندو مسلکي برخو کې د پام وړ ګټې واخستل شي؛ تر څو دغه موسسه په راتلونکي کې د هوکړه لیکونو له اړخه د پرمختګ شاهده او د ښکېلو ولایتي ادارو له همکاریو بډایه وي.
ورته مهال د یادې کمېټې د غړو لخوا هم د ورسپارل شویو مسؤلیتونو په ترسراوي کې پوره ډاډ وړاندې شو.
د نشراتو، اړیکو او عامه پوهاوي عمومي مدیریت.
