لوګر د لوړو زده کړو موسسې او د لوګر ولایت د کانونو ریاست تر منځ د ګډو همکاریو هوکړه لیک لاسلیک شو!

logu_admin
سه‌شنبه ۱۴۰۴/۵/۷ - ۱۴:۱۳
۱۱

دوشنبه: د ۱۴۰۴ کال سرطان/ چنګاښ ۳۰مه او د ۱۴۴۷ محرم الحرام ۲۵مه نېټه.
لوګر د لوړو زده کړو موسسې او د لوګر ولایت د کانونو ریاست تر منځ د ګډو همکاریو هوکړه لیک د دغې موسسې جیولوجې او کانونو پوهنځي د زده کړیالانو د عملي او مسلکي زده کړو، پرکتیکي دورو ترسره کولو او همدا راز مسلکي تجربو شریکولو په موخه لاسلیک شو.
دغه هوکړه لیک چې لوګر د لوړو زده کړو د موسسې رییس مفتي سید ضیاءالاحمد صارم او همدا راز د لوګر ولایت د کانونو رییس مولوي نقیب احمد فرقاني لخوا لاسلیک شو، له مخې به یې د دغې موسسې د جیولوجي او کانونو پوهنځي زده کړیالانو ته د عملي کار زمینه برابریږي او د اړتیا پر وخت به د یاد ریاست په همکاري په اړوندو کانونو کې د جیولوجي او کانونو پوهنځي زده کړیالان خپلې پرکتیکي دورې، مسلکي څېړنې او بېلابېلې تجربې ترسره کوي.
که څه هم د لوګر ولایت د کانونو له ریاست سره دغه هوکړه لیک تازه لاسلیک شوی؛ خو د دغې موسسې د جیولوجي او کانونو پوهنځي زده کړیالان تر دې وړاندې هم له لوړو زده کړو وزارت سره په همغږي د لوګر ولایت سربېره د هیواد یو شمېر کانونو او اړوندو سیمو ته په علمي سیرونو تللي دي، چې د زده کړیالانو په وینا په یاده موده کې یې د پام وړ عملي زده کړې ترلاسه کړي دي.
باید وویل شي، چې په دې وروستیو کې لوګر د لوړو زده کړو موسسې رهبري د لوګر له یو شمېر ریاستونو او ادارو سره د ګډو همکاریو په موخه د پام وړ هوکړه لیکونه لاسلیک کړي دي.
د نشراتو، اړیکو او عامه پوهاوي عمومي مدیریت.

لوګر دلوړو زده کړو موسسې د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

مفتي سید ضیاءالاحمد صارم

لوګر دلوړو زده کړو موسسې رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

یکشنبه ۱۴۰۴/۵/۲۶ - ۱۵:۵۲
Background image

د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار لارښود تر سرلیک لاندې یو ورځنی روزنیز سمینار وړاندې شو!

یکشنبه: د ۱۴۰۴ کال اسد/ زمري ۲۶مه او د ۱۴۴۷ صفرالمظفر ۲۳مه نېټه. 
لوګر پوهنتون د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار. . .

یکشنبه ۱۴۰۴/۵/۲۶ - ۱۵:۴۸
Background image

لوګر د لوړو زده کړو مؤسسه، لوګر پوهنتون شو!

شنبه: د ۱۴۰۴ کال اسد/ زمری ۲۵مه او د ۱۴۴۷ صفرالمظفر ۲۲مه نېټه.
لوګر پوهنتون رهبري د هیواد په کچه د ټولو لوړو زده کړو موسسو د نوم بدلېدل پوهنتونونو ته د لوړو زده کړو وزارت رښتینې هڅې او. . .

یکشنبه ۱۴۰۴/۵/۲۶ - ۱۵:۴۶
Background image

لوګر د لوړو زده کړو موسسې اداري کارکوونکو ته د تضمین کیفیت ۱۱ ګوني معیارونه د دوه ورځني سمینار په لړ کې تشریح شول!

چهارشنبه: د ۱۴۰۴ کال اسد/ زمري ۲۲مه او د ۱۴۴۷ صفرالمظفر ۱۹مه نېټه.
لوګر د لوړو زده کړو موسسې ټولو اداري کارکوونکو ته د تضمین کیفیت ۱۱ ګوني معیارونه، چې د لوړو زده کړو وزارت د تضمین. . .

BACK TO NEWS