لوګر د لوړو زده کړو موسسې استادانو ته د تضمین کیفیت ۱۱ ګوني معیارونه د دوه ورځني سمینار په لړ کې تشریح شول!

logu_admin
یکشنبه ۱۴۰۴/۵/۲۶ - ۱۵:۳۹
۱۱

چهارشنبه: د ۱۴۰۴ کال اسد/ زمري ۱۵مه او د ۱۴۴۷ صفرالمظفر ۱۲مه نېټه.
لوګر د لوړو زده کړو موسسې استادانو ته د تضمین کیفیت ۱۱ ګوني معیارونه، چې د لوړو زده کړو وزارت د تضمین کیفیت او اعتبار ورکونې ریاست لخوا تازه ترتیب او را استول شوي وو د دغې موسسې د تضمین کیفیت او اعتبار ورکونې آمر پوهنیار عبدالعزیز عابد لخوا د دوه ورځني سمینار په لړ کې تشریح شول.
د دغه سمینار په پیل کې لوګر د لوړو زده کړو موسسې رییس مفتي سید ضیاءالاحمد صارم په خپلو خبرو کې ټول استادان د یادو معیارونو پر پوهېدو مکلف یاد کړل او ټینکار یې وکړ، چې په اړوندو برخو کې دې د یادو معیارونو په پام کې نیولو سره زده کړیالان په اسلامي او ملي فکر او عقیده سمبال وروزي.
ورته مهال د دغې موسسې د علمي او محصلانو چارو مرستیال پوهندوی مولوي میرویس ستانکزي هم په پای کې یاد سمینار خورا اړین او ارزښتمن یاد کړ او د دغه تحصیلي مرکز د استادانو د تدریس د ښو پایلو او مسلکي خدمت راز یې د تضمین کیفیت په ټولو معیارونو کې نغښتی یاد کړ.
د نشراتو، اړیکو او عامه پوهاوي عمومي مدیریت.

لوګر دلوړو زده کړو موسسې د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

مفتي سید ضیاءالاحمد صارم

لوګر دلوړو زده کړو موسسې رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

دوشنبه ۱۴۰۴/۶/۱۷ - ۱۴:۵۷
Background image

لوګر پوهنتون د جیولوجي او کانونو او شرعیاتو پوهنځیو د لومړيو ټولګیو زده کړیالانو ته د (مؤثرې زده کړې تګلارې) تر سرلیک لاندې ښوونیز سمینار وړاندې شو!

دوشنبه: د ۱۴۰۴کال سنبلې/وږي ۳مه او د ۱۴۴۷ ربیع الاول ۱لومړۍ نېټه.
لوګر پوهنتون د جیولوجي او کانونو او شرعیاتو پوهنځیو د لومړیو ټولکیو د لومړي سمستر زده کړیالانو ته (مؤثرې زده کړې تګلارې. . .

دوشنبه ۱۴۰۴/۶/۱۷ - ۱۴:۵۳
Background image

پوهنتون ته له ارتقا سره سم یې د نږدې ۵۱ میلیونو افغانیو په ارزښت د سړکونو د جوړولو رغنیزه پروژه خپله کړه!

شنبه: د ۱۴۰۴ کال سنبله/ وږی ۱ لومړۍ او د ۱۴۴۷ صفرالمظفر ۲۹مه نېټه.
لوګر پوهنتون نه یوازې دا، چې له لوړو زده کړو موسسې څخه یې د پوهنتون بڼه خپله کړه؛ بلکي له دې سره سره یې د یو شمېر نورو. . .

دوشنبه ۱۴۰۴/۶/۱۷ - ۱۴:۵۱
Background image

لوګر پوهنتون کې د ( اسلام او غرب او د روان وضعیت ننګونې او وړاندیزونه) تر سرلیک لاندې روزنیز فکري سمینار وړاندې شو!

دوشنبه: د ۱۴۰۴ کال اسد/ زمري ۲۷مه او د ۱۴۴۷ صفرالمظفر ۲۴مه نېټه.
لوګر پوهنتون کې د دغه پوهنتون استادانو، اداري کارکوونکو او د څلورګونو پوهنځیو د څلورمو ټولګیو زده کړیالانو ته د ( اسلام. . .

BACK TO NEWS