لوګر د لوړو زده کړو موسسې استادانو ته د (تحلیل داده¬های تحقیق توسط برنامه SPSS ) تر سرلیک لاندې روزنیز ورکشاپ پیل شو.

سه شنبه: د ۱۴۰۳ کال اسد/زمري ۳۰مه او د ۱۴۴۶ صفر ۱۶مه نېټه.
لوګر د لوړو زده کړو موسسې استادانو ته د (تحلیل داده¬های تحقیق توسط برنامه SPSS ) تر سرلیک لاندې درې ورځنی روزنیز ورکشاپ د کابل پوهنتون استاد او مسلکي پراختیا آمر پوهنوال اسدالله صمدي لخوا پیل شو.
د ورکشاپ په پیل کې لوګر د لوړو زده کړو موسسې د علمي او محصلانو چارو مرستیال پوهندوی دکتور شفیق الله شفقت ښاغلي استاد پوهنوال صمدي ته د ښه راغلاست تر څنګ د علمي څېړنو په ارزښت هر اړخیزې خبرې وکړې او د SPSS برنامه یې په څېړنه کې خورا اړینه او ارزښتمنه وبلل. نوموړي همدا راز د دغې موسسې پر استادانو ټینګار وکړ، چې له دغه روزنیز ورکشاپ څخه دې پوره او د پام وړ ګټه پورته کړي؛ تر څو په راتلونکي کې دغه تحصیلي مرکز د څېړنو او څېړونکو په برخه کې د پام وړ ظرفیتونه ولري.
یاد روزنیز درې ورځنی ورکشاپ لوګر د لوړو زده کړو موسسې د مسلکي پراختیا مرکز په تالار کې وړاندې کیږي، چې نن پیل او راتلونکې دوه ورځې نور به هم دوام وکړي.
د نشراتو، اړیکو او عامه پوهاوي لوی مدیریت.