لوګر د لوړو زده کړو موسسه کې د ۱۴۰۴ کال کانکور ازموینه په پوره روڼتیا او امن فضا کې واخستل شوه!

logu_admin
سه‌شنبه ۱۴۰۴/۴/۳ - ۱۶:۲۳
۱۱

شنبه: د ۱۴۰۴ کال جوزا/ غبرګولي ۱۰مه او د ۱۴۴۶ ذوالقعده ۳مه نېټه.
لوګر د لوړو زده کړو موسسه کې د ۱۴۰۴ کال کانکور عمومي ازموینه د تېرو درېیو ورځو په لړ کې په پوره روڼتیا او امن فضا کې واخستل شوه.
دغه ازموینه چې د ازموینو ملي ادارې له رسمي اعلان سره سمه د تېرې چهارشنبې په ورځ پیل شوې وه، تېره ورځ جمعه پای ته ورسېده. د یادې ازموینې لپاره په لوګر کې «۲۴۵۲» تنو نوملیکنه کړې وه، چې د  تېر ۱۴۰۳ لمريز کال د دولسمو ټولګیو فارغان، د مخکنیو کلونو متفرقه او د دیني مدرسو د عاليې او خامسې دورو اړوند طالبعلمان وو. دغه ازموینه لوګر د لوړو زده کړو موسسې په ملیتا د ازموینو ملي ادارې لخوا واخستل شوه، چې د تېر په پرتله سږکال یې ګډونوالو ته د پوښتنپاڼو د حل په موخه (۴) ساعته وخت ځانګړی او په واک کې ورکړل شوی و. ورته مهال لوګر د لوړو زده کړو موسسې رییس مفتي سید ضیاءالاحمد صارم هم د یادې ازموینې له راڼه بهیر او هر اړخیز ډاډ څخه خوښي څرګندوي او زیاتوي، چې د دغې موسسې رهبري او ټوله اداره چمتو ده، چې تل د هیواد د ځوان نسل د ښې روزنې او پالنې تر څنګ د علم او تحصیل په هر ډګر کې له شته امکاناتو په ګټې اخستنې دې ډول خدمتونو کې برخه واخلي.
باید وویل شي، چې له دغې ازموینې وړاندې لوګر د لوړو زده کړو موسسې د استادانو لخوا د لوړو زده کړو وزارت په رسمي هدایت د لوګر ولایت پوهنې ریاست کې د دې ولایت د مرکز او ولسوالیو د ښوونځیو آمرینو او مدیرانو ته د کانکور ازموینې په اړوند د عامه پوهاوي ښوونیز سمینار هم وړاندې شوی و.
د نشراتو، اړیکو او عامه پوهاوي عمومي مدیریت.

لوګر دلوړو زده کړو موسسې د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

مفتي سید ضیاءالاحمد صارم

لوګر دلوړو زده کړو موسسې رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

یکشنبه ۱۴۰۴/۵/۲۶ - ۱۵:۵۲
Background image

د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار لارښود تر سرلیک لاندې یو ورځنی روزنیز سمینار وړاندې شو!

یکشنبه: د ۱۴۰۴ کال اسد/ زمري ۲۶مه او د ۱۴۴۷ صفرالمظفر ۲۳مه نېټه. 
لوګر پوهنتون د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار. . .

یکشنبه ۱۴۰۴/۵/۲۶ - ۱۵:۴۸
Background image

لوګر د لوړو زده کړو مؤسسه، لوګر پوهنتون شو!

شنبه: د ۱۴۰۴ کال اسد/ زمری ۲۵مه او د ۱۴۴۷ صفرالمظفر ۲۲مه نېټه.
لوګر پوهنتون رهبري د هیواد په کچه د ټولو لوړو زده کړو موسسو د نوم بدلېدل پوهنتونونو ته د لوړو زده کړو وزارت رښتینې هڅې او. . .

یکشنبه ۱۴۰۴/۵/۲۶ - ۱۵:۴۶
Background image

لوګر د لوړو زده کړو موسسې اداري کارکوونکو ته د تضمین کیفیت ۱۱ ګوني معیارونه د دوه ورځني سمینار په لړ کې تشریح شول!

چهارشنبه: د ۱۴۰۴ کال اسد/ زمري ۲۲مه او د ۱۴۴۷ صفرالمظفر ۱۹مه نېټه.
لوګر د لوړو زده کړو موسسې ټولو اداري کارکوونکو ته د تضمین کیفیت ۱۱ ګوني معیارونه، چې د لوړو زده کړو وزارت د تضمین. . .

BACK TO NEWS