لوګر د لوړو زده کړو موسسه کې د پسرلي موسم په رارسېدو سره ۳۰۰۰ درې زره نیالګي کښېنول کیږي!

logu_admin
چهارشنبه ۱۴۰۴/۱/۲۰ - ۹:۲۷
۱۱

سه شنبه: د ۱۴۰۳ کال کب/حوت ۲۱ او د ۱۴۴۶ رمضان المبارک ۱۱مه نېټه.
لوګر د لوړو زده کړو موسسه کې د  راتلونکي ۱۴۰۴ ل کال پسرلي په رارسېدو سره د دغې موسسې د لا زرغونتیا، زده کړیالانو لپاره د سالمې تفریح ځای او  چاپېریال ساتنې په موخه ۳۰۰۰ درې زره بې¬مېوې نیالګي کښېنول کیږي.
دغه نیالګي چې ( د افغانستان لپاره د راتلونکو نسلونو/FGA) موسسې لخوا لوګر د لوړو زده کړو موسسي سره مرسته شوي د کښېنولو لړۍ یې تېره یکشنبه د لوګر ولایت د مرستیال والي، لوګر لوړو زده کړو موسسې رهبري، د لوګر ولایت د چاپېریال ساتنې، کرنې اوبو لګونې او مالدارۍ او پل¬علم ښاروالۍ د مسؤلینو سربېره د ولایتي ادارو یوشمېر رییسانو، د FGA موسسې مسؤلینو، لوګر د لوړو زده کړو موسسې د استادانو او یوشمېر زده کړیالانو لخوا پیل شوه.
ورته مهال لوګر د لوړو زده کړو موسسې رییس مولوي ضیاءالاحمد صارم د FGA موسسې له مسؤلینو څخه د مننې ترڅنګ دغه نیالګي د دغې موسسې په زرغونتیا، آبادي او له اقلیمي اړخه سالم چاپېریال رامنځته کېدو کې خورا ارزښتمن یاد کړل او د دې تر څنګ یې په راتلونکي کې د FGA موسسې او همدا راز د اړوندو ادارو له مسؤلینو د کښېنول شویو نیالګیو د اوبو رسونې او مسلکي پالنې په برخه کې د لازمو او تل پاتې همکاریو هیله وښوده.
باید وویل شی، چې لوګر د لوړو زده کړو موسسه کې د اسلامي او ملي دود له مخې هر کال د دغې موسسې د زرغونولو، آبادي او چاپېریال سانتې په موخه زرګونو نیالګي کښېنول کیږي.
د نشراتو، اړیکو او عامه پوهاوي لوی مدیریت.

لوګر دلوړو زده کړو موسسې د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

مفتي سید ضیاءالاحمد صارم

لوګر دلوړو زده کړو موسسې رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

یکشنبه ۱۴۰۴/۵/۲۶ - ۱۵:۵۲
Background image

د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار لارښود تر سرلیک لاندې یو ورځنی روزنیز سمینار وړاندې شو!

یکشنبه: د ۱۴۰۴ کال اسد/ زمري ۲۶مه او د ۱۴۴۷ صفرالمظفر ۲۳مه نېټه. 
لوګر پوهنتون د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار. . .

یکشنبه ۱۴۰۴/۵/۲۶ - ۱۵:۴۸
Background image

لوګر د لوړو زده کړو مؤسسه، لوګر پوهنتون شو!

شنبه: د ۱۴۰۴ کال اسد/ زمری ۲۵مه او د ۱۴۴۷ صفرالمظفر ۲۲مه نېټه.
لوګر پوهنتون رهبري د هیواد په کچه د ټولو لوړو زده کړو موسسو د نوم بدلېدل پوهنتونونو ته د لوړو زده کړو وزارت رښتینې هڅې او. . .

یکشنبه ۱۴۰۴/۵/۲۶ - ۱۵:۴۶
Background image

لوګر د لوړو زده کړو موسسې اداري کارکوونکو ته د تضمین کیفیت ۱۱ ګوني معیارونه د دوه ورځني سمینار په لړ کې تشریح شول!

چهارشنبه: د ۱۴۰۴ کال اسد/ زمري ۲۲مه او د ۱۴۴۷ صفرالمظفر ۱۹مه نېټه.
لوګر د لوړو زده کړو موسسې ټولو اداري کارکوونکو ته د تضمین کیفیت ۱۱ ګوني معیارونه، چې د لوړو زده کړو وزارت د تضمین. . .

BACK TO NEWS