لوګر د لوړو زده کړو موسسه کې د سیرت سیالۍ د ازموینې پایلې اعلان شوې!

logu_admin
دوشنبه ۱۴۰۳/۸/۲۱ - ۱۰:۱۵
۱۱

چهارشنبه: د ۱۴۰۳ کال عقرب/لړم ۱۶مه او د ۱۴۴۶ جمادی الاول ۴مه نېټه.
لوګر د لوړو زده کړو موسسه کې د سیرت سیالۍ پایلۍ د دغې موسسې د رهبري، استادانو، اداري کارکوونکو، د ولایتي ادارو یو شمېر مسؤلینو، زده کړیالانو، په لوګر کې د حاجي منګل احمدزي خیریه بنسټ استازیو، د دیني مدرسو د طالبعلمانو او د ښوونځیو د زده کونکو په ګډون د یوې شانداره غونډې په ترڅ کې اعلان شوې.
د غونډې ویناوال لوګر د لوړو زده کړو موسسې رییس مولوي ضیاءالاحمد صارم، د شرعیاتو پوهنځي رییس مولوي محمد ابراهیم ح؛؛؛قاني د لوګر ولایت د نظامي برخې د فرامینو او احکامو د څار آمر مفتي وحیدالله وهاج او د لوګر ولایت د اطلاعاتو او کلتور رییس دکتور رفیع الله صمیم وو.
یادو ویناوالو خپلې ټولې خبرې د ځوان نسل پر سالمې روزنې، اسلامي فکر جوړونې او همدا راز په اسلامي ټولنه کې د نبوي سیرت او صورت خپلولو او د نبوي تګلارې پر غوره کولو راوڅرخولې.
یاده سیالۍ د دغې موسسې د دعوت او ارشاد آمریت لخوا په لار اچول شوې وه، چې ازموینې یې سلګونه ګډونوال درلودل. د سیالۍ پایلو (۱۶) تنه مخکښ بریالي ځوانان درلودل او لومړی مقام یې په لوګر کې د دارالهدا خصوصي عالي لېسې یو تن زده کونکي محمد یحیی خپل کړ، چې د دغې موسسې د رهبري لخوا د یو پایه لب ټاپ کمپیوټر د ډالۍ کولو سربېره د نوموړي وړتیا هم وستایل شوه. د سیالۍ د دوهمې درجې ګټونکو لپاره یو عراده بایسکل، يو پایه د خیاطي ماشین او دوه سېټه مبایلونه او همدا راز تر ۱۶مې شمېرې ګټونکو ته ارزښتمن بېلابېل کتابونه ډالۍ شول.
باید وویل شي، چې د یادې سیالۍ د مخکښو ګټونکو لپاره ټولې ډالۍ د حاجي منګل احمدزي خیریه بنسټ لخوا اخستل شوې وې.
د نشراتو، اړیکو او عامه پوهاوي لوی مدیریت.

لوګر دلوړو زده کړو موسسې د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

مفتي سید ضیاءالاحمد صارم

لوګر دلوړو زده کړو موسسې رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

یکشنبه ۱۴۰۴/۵/۲۶ - ۱۵:۵۲
Background image

د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار لارښود تر سرلیک لاندې یو ورځنی روزنیز سمینار وړاندې شو!

یکشنبه: د ۱۴۰۴ کال اسد/ زمري ۲۶مه او د ۱۴۴۷ صفرالمظفر ۲۳مه نېټه. 
لوګر پوهنتون د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار. . .

یکشنبه ۱۴۰۴/۵/۲۶ - ۱۵:۴۸
Background image

لوګر د لوړو زده کړو مؤسسه، لوګر پوهنتون شو!

شنبه: د ۱۴۰۴ کال اسد/ زمری ۲۵مه او د ۱۴۴۷ صفرالمظفر ۲۲مه نېټه.
لوګر پوهنتون رهبري د هیواد په کچه د ټولو لوړو زده کړو موسسو د نوم بدلېدل پوهنتونونو ته د لوړو زده کړو وزارت رښتینې هڅې او. . .

یکشنبه ۱۴۰۴/۵/۲۶ - ۱۵:۴۶
Background image

لوګر د لوړو زده کړو موسسې اداري کارکوونکو ته د تضمین کیفیت ۱۱ ګوني معیارونه د دوه ورځني سمینار په لړ کې تشریح شول!

چهارشنبه: د ۱۴۰۴ کال اسد/ زمري ۲۲مه او د ۱۴۴۷ صفرالمظفر ۱۹مه نېټه.
لوګر د لوړو زده کړو موسسې ټولو اداري کارکوونکو ته د تضمین کیفیت ۱۱ ګوني معیارونه، چې د لوړو زده کړو وزارت د تضمین. . .

BACK TO NEWS