د ښوونې او روزنې پوهنځي د بیولوژي څانګې ۲۰ تنه محصلانو د کابل ملي ژوبڼ ته علمي سیر ترسره کړ؛
شنبه: د ۱۴۰۴ کال قوس/لیندۍ ۸مه او د ۱۴۴۷ جمادی الثانی ۸مه نېټه.
لوګر پوهنتون د ښوونې او روزنې پوهنځي د بیولوژي څانګې ۲۰تنه محصلانو د عملي زده کړو او مسلکي څېړنو په موخه د کابل ملي ژوبڼ ته علمي سیر ترسره کړ.
دغه علمي سیر، چې لوګر پوهنتون د علمي او محصلانو چارو معاونیت اړوند دمحصلانو د خدمتونو او همغږۍ عمومي مدیریت په هڅو او د بیولوژي څانګې د استاد پوهنمل نظیفالله مهین په لارښوونه ترسره شو، موخه یې د محصلانو مسلکي روزنه او د علمي څېړنو ترسره کول وو.
یادو محصلانو د کابل ملي ژوبڼ د مسؤلینو په همکاري د ژوبڼ د مقرراتو، پېژندنې، لاسته راوړنو، ایکولوژي ، د ژوو او مرغانو د درملنو میتودونو، د بیلابیلو حیواناتو ضبط او ربط طریقو، د ژوو، الوتونکو، کبانو او خزندو په هکله د هر اړخیزو علمي او عملي لارښوونو ، د ژوند بڼو ارزښتونو، د طبیعت ښکلا او ښاري کلتور په اړه هر اړخیزه معلومات تر لاسه کړل.
باید وویل شي، دغه علمي سیرونه په داسې حال کې ترسره کیږي، چې لوګر پوهنتون ورځ تر بلې په عملي او اداري برخو کې د پرختګ ګامونه اخلي او مسؤلین یې ژمنه ښیي، چې د دغه تحصیلي مرکز د آبادۍ په موخه به خپلې هڅې روانې ساتي.
د نشراتو، اړیکو او عامه پوهاوي عمومي مدیریت
