د پوهنې وزير لوګر د لوړو زده کړو موسسه کې د دیني مدرسو فاضلانو د (عاليه او عالميه) مرحلو د کلنيو ازموينو له بهیر څخه ليدنه وکړه!
سه شنبه: د ۱۴۰۳ کال جدي/مرغومې ۲۵مه او د ۱۴۴۶ رجب المرجب ۱۳مه نېټه.
د افغانستان د پوهنې وزير ښاغلی شيـ؛؛؛خ مولوي حبيب الله آغا لوګر ولایت ته د رسمي سفر په ترڅ کې لوګر د لوړو زده کړو موسسه کې د لوګر ولايت د دیني مدرسو فاضلانو د (عاليه او عالميه) مرحلو د کلنيو مشترکو ازموينو له بهير څخه له نږدې ليدنه وکړه.
د دغې ليدنې پر مهال د پوهنې ښاغلي وزیر د ازموينو ګډونوالو ته په خپلو خبرو کې پر دیني، دنیوي او اخروي مسؤليت پېژندلو او په ټولنه کې د خپلو مکلفیتونو او همدا راز د ټولنې له شرعي او دیني اړخه د سالمې اصلاح په اړوند کلک ټینګار وکړ. ښاغلي وزیر همدا راز زياته کړه، چې د دغو ازموينو مالي لګښت تر ميليونونو افغانیو رسيږي، چې د عالیقدر امیرالمؤمنین حفظه الله لخوا منظور شوی، چې پر اساس يې د یادو ازموينو د ګډونوالو لپاره لازم امکانات برابر شوي.
ورته مهال لوګر د لوړو موسسې رهبري هم د هيواد د پوهنې وزیر پر راتګ دغې موسسې ته خوښي وښوده او همدا راز يې په يادو ازموينو کې د بشپړې همکاري ډاډ وښود.
د نشراتو، اړیکو او عامه پوهاوي لوی مدیریت.
