جیولوجی او کانونو پوهنځی
د جیولوجی او کانونو پوهنځي د رئیس پیغام:
د جیولوجې او کانونو پوهنځی د هیواد په ملي اقتصاد کې د شته ضرورت له مخې د مهمو او اساسې پوهنځیو څخه شمیرل کیږي چې په اسلامي او ملي روحیه سمبال علمي کادرونه ( انجنیر جیولوجیستان) ټولنې ته وړاندي کوي.
پوهنیار دیپلوم انجنیر ظفرخان سعیدی
د جیولوجي او کانونو پوهنځي رئیس
د جیولوجي او کانونو پوهنځي مخینه:
د جیولوجي او کانونو پوهنځی د لوړو زده کړو د عالی شورا د 15/7/1398 نیټي د (5) شمیری مصوبی پر اساس په کال 1399 کې تصویب او په فعالیت پیل وکړ.
نوموړی پوهنځی د ځوانو کادرونو ( انجنیر جیولوجستانو) د روزني په موخه جوړه شوي، چې د هېواد په اقتصاد او صنعت کې د ځانګړي رول څخه برخمنه ده.
د دې پوهنځي استادان د خپل دیني او ملي احساس له مخې په ډیره مینه او لیوالیتا د محصلینو د علمي کچې په لوړاوي کې نه ستړي کیدونکي هڅي کوي.
لرلید:
د جیولوجي او کانونو پوهنځی د ټولنې او بازار د اړتیاوو په پام کې نیولو سره د ځوانو کادرونو ( انجنیر جیولوجستانو) روزلو ته ژمن ده تر څو د ټولنې په سوکالي او پرمختګ کې مهم رول تر سره کړي.
د جیولوجي او کانونو د مسلکي متخصیصونو د وړتیاوو او تجربو څخه ګټه اخیستنه د هیواد د اقتصاد او صنعت په ثبات کې مثمر رول ادا کولی شي.
رسالت:
د جیولوجي او کانونو پوهنځی د نورو پوهنځیو په څیر د کانونو د تفحص ، اکتشاف، استخراج، پروسیس او بازار موندني په برخه کې مسلکې او متخصیص کادرونه روزي، تر څو د هیواد د ملي اقتصاد په پرمختګ کې رغنده رول ادا کړي.
اساسي موخي:
- په لوړه سطحه د کانونو د متخصیصونو رول د ساینس او تکنالوژي په ډګر کې له نویو پرمختګونو سره اشنااو د خپل مسلک اړوند په عملي او علمي برخو کې پوره مالومات ولري
- ټولني ته په دیني او ملي ارزښتونو د سمبال ځوانانو وړاندي کول
- په علمي برخو کې د څیړنو تر سره کول تر څو د هیواد د بهبود او ترقي سبب وګرځي
- د جیولوجي او کانونو د سکتور د پیاوړتیا لپاره د کادرونو روزل
- د تدریس لپار د مناسب چاپیریال رامنځ ته کول او د تعصب له ټولو ډولونو( سیاسي ، قومي ، مذهبي او ژبني ) څخه مخنیوی کول
- په دوامداره توګه د سیمه ایز سټنډرډ په نظر کې نیولو سره د درسي کریکولم معیاري کول
- د تحقیق لپاره د بین المللي سټنډرډونو مطابق د علمي کادرونه استخدام
- د پوهنځي د پروګرامونو د ښه تطبیق لپاره په ملي او سیمه ایزه کچه د مرسته کوونکو سرچینو پلټنه
- د پوهنځي د تدریسي برخي د کیفیت ارزونه
- د هیواد دننه او دباندي د علمي اکاډمیکو مرکزونو سره توامیتونه
- د پوهنځي د علمي او څیړنیزو اثارو خپرول او د هغوی لپاره د بازار پیداکول
- د علمي سوئې او ظرفیت لوړاوي په موخه د ماسټري، دوکتورا او فیلوشیپونو برنامو ته د ځوانو علمي کادرونو استول
- د کانونو د اکتشاف او استخراج څانګو لابراتوارونو ته د عصري او معیاري تجهیزاتو او سامان الاتو برابرول
جوړښت:
علمي برخه:
- د جیولوجي او کانونو پوهنځي ریاست
- د جامدو ګټورو موادو د کانونو د تفحص او اکتشاف څانګې امریت
- 3 کادري استادان
- د جامدو ګټورو موادو د کانونو د استخراج څانګې آمریت
- 3 کادري استادان
اداري برخه:
- تدریسي مدیریت
- اجرایه مدیریت
- لابرانت/تکنیشن
کمیټې:
- د کیفیت د لوړاوي او اعتبار ورکونې کمیټه
- د نظم او ډسپلین کمیټه
- فرهنګي کمیټه
- د تحصیلي نصاب کمیټه
- د ستراتیژیک پلان د تدوین او څارني کمیټه
- د څیړني کمیټه
لوګر دلوړو زده کړو موسسې د رهبري پیغام
له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.
د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.
په در نښت
مفتي سید ضیاءالاحمد صارم
لوګر دلوړو زده کړو موسسې رئیس
