وګر دلوړو زده کړو موسسه کې د کانکور ازموينې د دوهمې ورځې بايومتريک لړۍ ترسره شوه!
سه شنبه: د ۱۴۰۴ کال جوزا/ غبرګولي ۶مه او د ۱۴۴۶ ذوالقعده ۲۹مه نېټه.
لوګر د لوړو زده کړو موسسه کې د کانکور ازموينې د دوهمې ورځې بايومتريک لړۍ د دغې موسسې د رهبري له څارنې سره سمه په منظم ډول ترسره شوه.
له دغې لړۍ څخه د لیدنې پرمهال لوګر د لوړو زده کړو موسسې رهبري د ازموینې ګډونوالو ته د شته امکاناتو پر مټ د هر اړخیزو همکاریو ډاډ ورکړ.
د بایومتریک د لړۍ تخنیکي چارې د ازموینو ملي ادارې لخوا د راغلې ځانکړې ډلې لخوا ترسره کیږي، چې د ازموینې تر ورځې به دوام کوي.
باید وویل شي، چې د ازموینو ملي اداري د رسمي اعلان له مخې د هیواد د یو شمېر نور ولایتونو سربېره په لوګر ولایت کې د کانکور ازموینې لپاره د روان ۱۴۰۴هـ ق کال د جوزا/ غبرګولي میاشتې ۷مه، ۸مه او ۹مه ( چهارشنبه، پنجشنبه او جمعه) ورځې د ازموینې لپاره ټاکل شوې دي.
د نشراتو، اړیکو او عامه پوهاوي عمومي مدیریت.
