د کرنیز اقتصاد او پراختیا څانګه
د کرنېز اقتصاد او پراختیا څانګې مخینه
لوګر د لوړو زده کړو مؤسسه د لوړو زده کړو محترم وزارت د (۵۷۵) ۱۳/۱۲/۱۳۹۲ هـ ش ګڼه پیشنهاد او د افغانستان اسلامي جمهوري دولت مقام د (۱۲۰۰) ۲۰/۱۲/۱۳۹۳ ګڼه حکم په اساس منظور او رامنځته شوه، د لوګر د لوړو زده کړو مؤسسې په وړاندیز او د لوړو زده کړو محترم وزارت د عالي شورا (۳)۲۶/۱۲/۱۳۹۶ ګڼه پریکړې په اساس د کرنې پوهنځی له دوه څانګو اګرانومۍ او کرنیز اقتصاد او توسعې سره منظور او په ۱۳۹۸ هـ ش کال کې د کانکور ازموینې له لارې محصیلین د لوړو زده کړو ترلاسه کولو لپاره ورته معرفي شول، اوسمهال په کرنیز اقتصاد او توسعې څانګه کې په دریو؛ لومړی، دوهم او دریم ټولګیو کې ( ۱۲۰ ) تنه ذکور او ( ۸ ) تنه اناث محصلینې لري چې د څلورو تنو رسمي استادانو لخوا یې د تدریس چارې پرمخ وړل کیږي.
د کرنیز اقتصاد او پراختیا څانګې لرلید، ماموریت او موخې
لرلید ( Vision )
دکرنیز اقتصاد او پراختیا څانګه هیله لري چې د اسلامي او ملي اصولو پر بنسټ د کرنیزی دوامدارې پراختیا او د نوې ټکنالوژۍ د ترویج لپاره ټولنې ته علمي کادرونه وړاندی کړي ترڅو د هیواد د کرنیز سیستم په بیارغونه او پراختیا کې فعاله ونډه واخلي.
ماموریت(Mission )
د کرنیز اقتصاد او پراختیا څانګه ژمن دی چې د هېواد د کرنې د دوامدارې ودې او د اقتصاد د پراختیا په برخه کې د نوښتګرو، مسلکي او روزل شویو بشري منابعو په برابرولو سره د هېواد د کرنې د سیستم د عصري کولو او د ټولنې د اقتصادي ستونزو د حل په موخه وړ اومعقول حل لاره پیدا کړی.
موخې (Objectives)
- د کرنیزاقتصاد او پراختیا څانګې محصلینو لپاره د مسلکي روزنې (نظري او عملي)زده کړو چمتو کول.
- زده کوونکو ته د کرنیز اقتصاد او منابعو، د کرنې د تشبث مدیریت، د کرنې د ترویج او ښوونې او روزنې او د کلیو پراختیا، د بازار غوښتنې په پام کې نیولو سره د مهارتونو چمتو کول.
- د ټولنیزو او اقتصادي ستونزو د حل لپاره د علمی څیړنو ترسره کول، پوهی ته وده ورکول، د کرنې پراختیا او د پالیسیو جوړولو لپاره د موادو چمتو کول.
- د مشورتي خدماتو په وړاندې کولو او د پرمختیایي پروژو په پلي کولو کې د ګډون له لارې د اقتصادي پراختیا په بهیر کې فعاله برخه اخیستل.
د کرنیز اقتصاد او پراختیا څانګې لرلید، ماموریت او موخې د څانګې په (۲) پروتوکول او ۷ / ۱ / ۱۴۰۰ کې او همدارنګه د کرنې پوهنځي د استادانو شورا په (۵) پروتوکول او ۲۹ / ۱ /۱۴۰۰ کې مطرح، تائید او ثبت شوی دی.
د څانګې د آمر پیژندنه
نوماند پوهنیار صدیق الله حماس
نوماند پوهنیار صديق الله حماس د غلام مصطفى زوى چې د لوګر ولايت د مرکز اړوند پس آب بابوس کلی اصلي اوسېدونکى دى، په ١٣٧٦ لمريز کال کې په يوه دینداره او علم پروره کورنۍ کې زېږېدلى دى. لومړنۍ او ثانوي زده کړې يې د حضرت عمر فاروق (رض) په مرکزي عالی لېسه کې سرته رسولي او په ١٣٩٢ هجري لمريز کال کې په اعلی درجه فارغ شوى، د کانکور ازموينې له لاری په ١٣٩٤ لمريز کال کې د کندهار پوهنتون د کرنې پوهنځي ته شامل شو او د خاصی علاقی له مخی یی د کرنیز اقتصاد او پراختیا څانګه غوره کړ، او په ١٣٩٨ لمريز کال کې د لیسانس په کچه د پوهنځی په سطحه عمومی اول نمره فارغ شوی دی. د فراغت څخه وروسته د ټولیز کانکور ازموینې له لارې د لوګر ولایت د الکترونیکي تذکرو د کارکووکی په توګه بریالی او له یو کال خدمت وروسته په ۱۳۹۹ کال کې د ازادې سیالۍ له لارې لوګر د لوړو زده کړو موسسی د کرنیز اقتصاد او پراختیا څانګې کرهنې پوهنځي په علمي کادر کې شامل شو. د تقرر له نیټی څخه تر اوسه د څانګې د سرپرست او د علمی کادر غړی په صفت خپل هیواد والو ته خدمت کوی.
Message of the Chancellor of Logar Institute of Higher Education
After achieving complete freedom from the oppressive occupation, our Islamic system and society need to progress in every aspect of life. For the advancement of a society, its individuals need to be equipped with both religious and modern education.
To achieve this goal, Logar Institute of Higher Education considers it its mission and responsibility to educate students who are not only committed and professional but also devoted to their faith and country. In the future, these graduates will play a constructive role in the development of their country and in achieving lofty objectives, fostering creativity and innovation.President of Logar Institute of Higher Education
