لوګر پوهنتون څلور پوړیزه ودانۍ ګټې اخیستنې ته وسپارل شوه

logu_admin
Thu, Apr 01 2021 8:10 AM
  څلور پوړیزه ودانۍ

چهارشنبه - د ۱۴۰۰ کال وري میاشتې ۱۱ نېټه!

په هغه شانداره غونډه کې چې، په یاده نوي څلور پوړیزه ودانۍ کې جوړه شوې وه، په کې د لوړو زده کړو وزارت وزیر جلالتمآب دوکتور عباس بصیر، دیاد وزارت مالي او اداري معین ښاغلي نور احمد درویش او ورسره مل پلاوي، د لوګر والي ښاغلي عبدالقیوم رحیمي، په ولسي جرګه د لوګر د خلکو استازو هریو الحاج سید محمد صدیق حسن زاده او آغلي هما احمدي، د لوګر ولایتي شورا مرستیال او غړي، د لوګر امنیتي ارګانونو مسئولینو، د لوګر دویمو واحدونو رئیسانو او مسئولینو، لوګر د لوړو زده کړو مؤسسې رئیس، معاونین، استادانو، اداري کارکوونکو او محصلانو، د رسنیو استازو، مدني فعالانو، ګڼ شمیر قومي مشرانو او هیوادوالو ګډون درلود.

غوڼده د قرآن کریم د څو مبارکو اياتونو په تلاوت سره پيل او وروسته لوګر د لوړو زده کړو مؤسسې رئیس ښاغلي پوهنمل عبدالناصر ستانکزي میلمنو ته د ښه راغلاست ترڅنګ د دغه علمي کانون په علمي، اداري او پراختیايي برخو کې د لاسته راوړنو، پلانونو او شته ستونزو په اړه مفصل معلومات وړاندې کړل.

بیا په ترتیب سره، د لوړو زده کړو وزارت مالي و اداري معین ښاغلي نوراحمد درویش، په ولسي جرګې د لوګرو د خلکو استازو ښاغلي الحاج محمد صدیق حسن زاده او هما احمدي، د لوګر ولایتي شورا مرستیال ښاغلي الحاج محمد قسیم خوشیوال، لوګر والي ښاغلي عبدالقیوم رحیمي او د لوړو زده کړو وزیر ښاغلي دوکتور عباس بصیر په اړونده موضوع او د لوړو زده کړو پر اهمیت او پر ټولنې يي اغیزې په اړوند ارزښتناکې ویناوې وکړې.

د یادونې وړده چې، نوموړي څلور پوړیزه ودانۍ مجهز اداري اتاقونه، درسي صنفونه، تشنابونه، د غونډو تالار، کمپیوټر لب خونه، د علمي شورا اتاق، اطفايې سیسټم او HVK فعال سیسټم لري، د لوړو زده کړو وزارت HEDP ادارې لخوا په 63.6 میلیونو افغانیو په لګښت د ۱۳۹۹ کال لېندۍ میاشتې کې بشپړه شوه.

همدارنګه په دغو مراسمو کې د لوګر پوهنتون د کرنې پوهنځي تحقیقاتي فارم چې په دوه جریبه ځمکه کې د پایتخت زون له ادارې لخوا د میرویس کرنمل شرکت له لورې په 250000 دوه سوه او پنځوس زرو افغانیو جوړیږي، د جوړیدو نیالګي هم کېښودل شول.

غونډه د تحایفو او تقدیرنامو په ورکړه او د اختتامې په دعايې پای ته ورسیده

پاتې ده نه وي؛ چې د لوړو زده کړو وزیر او ورسره مل پلاوي، لوګر والي، د ولایتي شورا غړو، په دو جلا ناستو کې، لوګر د لوړو زده کړو مؤسسې علمي شورا غړو او د محصلانو نماینده ګانو سره هم لیدنه تر سره کړه، چې په ترڅ کې د استادانو او محصلانو ستونزې او وړاندیزونه يي واوریدل.

تازه خبرونه

Mon, Aug 24 2020 3:39 PM
Background image

هیآت از ادارات مختلط جهت ترتیب ماستر پلان از ساحه مؤسسه تحصیلات عالی لوگر بازدید نمود

به اساس تفاهم های قبلی، نماینده گان محترم اداره مستقل انکشاف زون پایتخت، وزارت تحصیلات عالی، ریاست های اقتصاد، شاروالی و شهرسازی ولایت لوگر، در حضور داشت رهبری این نهاد تحصیلی، جهت. . .

BACK TO NEWS