د امـارتي ادارو په پالیسیو کې کې علمي څېړنې د پام وړ ځای لري!
شنبه: د ۱۴۰۳ کال میزان/تلې ۲۸مه او د ۱۴۴۶ ربیع الثانی ۱۶مه نېټه.
د ام؛؛؛ارتي ادارو په پالیسیو/ تګلارو جوړولو او پرمختګ کې علمي څېړنې او علمي-تحصیلي مرکزونو د پام وړ ځای لري.
دا څرګندونې د ولایتي پراختیا کمېټې په ناسته کې، چې د لوګر ولایت مقام د ناستو په تالار کې ترتیب شوې وه لوګر د لوړو زده کړو موسسې د څېړنو او علمي مجلې آمر پوهندوی دکتور وحیدالله عبدالرحیم زي د یو معلوماتي سمینار په لړ کې تېره چهارشنبه وکړې.
د یادې ناستې برخوال د لوګر مرستیال والي مولوي محمد انور دین پرور، لوګر د لوړو زده کړو موسسې رییس مولوي ضیاءالاحمد صارم، د ولایتي ادارو مسؤلین او همدا راز په لوګر کې د همکارو مؤسسو استازي وو.
ښاغلي استاد عبدالرحیم زي په خپل ترتیب شوي سمینار کې وښودل چې په نظام کې، چې د هرې ادارې پالیسي د علمي څېړنو په پایلو کې ترلاسه شي د پرمختګ، ښه پلې کېدو او لاسته راوړنو شاهده به وي. نوموړي همدا راز د ولایت مقام او ولایتي ادارو مسؤلینو ته وړاندوینه وکړه، چې لوګر د لوړو زده کړو موسسې ټول کادري او تخصصي غړي د دې وړتیا لري، چې ولایتي ادارې خپلې اړوندې پالیسي د ترتیب په موخه او مسلکي ستونزې د هواري په موخه په رسمي ډول له دغه تحصیلي مرکز سره شریکې کړي، تر څو د دغې موسسې کادري او تخصصي غړي یې د علمي څېړنو په ترسره کولو سره ورته حل لارې پیدا او پایلې ورسره شریکې کړي.
یاد معلوماتي سمینار په داسې حال کې وړاندې کیږي، چې په دې وروستیو کې لوګر د لوړو زده کړو موسسې د ۶ تنو استادانو لخوا له اړوندو ادارو سره په همغږي پر شپږو بېلابېلو ارزښتمنو موضوع ګانو علمي څېړنې ترسره شوې، چې پایلې یې د یو رسمي کنفرانس په ترڅ کې له اړوندو ادارو او متخصصانو سره شریکې شوې.
د نشراتو، اړیکو او عامه پوهاوي لوی مدیریت.
