لوګر د لوړو زده کړو موسسې د جیولوجي او کانونو پوهنځي زده کړیالانو  د لوګر د عینک د مسو کان څخه لیدنه وکړه.

شنبه: د ۱۴۰۳ کال عقرب/لړم ۱۲مه.
لوګر د لوړو زده کړو موسسې د جیولوجي او کانونو پوهنځي د تفحص او اکتشاف څانګې د څلورم ټولګي زده کړیالانو د عملي زده کړو/ پرکتیک او تجربو ترسره کولو په موخه د لوګر ولایت د (عینک د مسو کان) څخه لیدنه وکړه.
په دغه لیدنه چې یادو زده کړیالانو د عملي زده کړو تر څنګ په مسلکي برخو کې د ځینو قیمتي ډبرو او توکو پېژندنه هم له نږدې وکړه او د دې تر څنګ یې یو شمېر د کان کیندلو او نورو اړوندو چارو ترسره کولو وسایل او ماشینریانې هم ولیدلې. له دغې لیدنې او علمي سفر څخه یاد زده کړیالان خورا خوښ وو او په وینا یې چې دوی له داسې لیدنو او علمي سفرونو په مسلکي برخه کې ډېرڅه لاسته راوړي.
دغه چاره په داسې حال کې ترسره کیږي، چې موده وړاندې هم د یاد پوهنځي زده کړیالان د عملي زده کړو په موخه د بامیان ولایت ته تللي وو.
د نشراتو، اړیکو او عامه پوهاوي لوی مدیریت.