لوګر د لوړو زده کړو موسسې د ۱۴۰۳ کال پسرلني سمستر مخکښ زده کړیالان وستایل شول!
دوشنبه: د ۱۴۰۳ کال عقرب/لړم ۷مه او د ۱۴۴۶ ربیع الثانی ۲۵مه نېټه.
لوګر د لوړو زده کړو موسسې د ۱۴۰۳ کال پسرلني سمستر مخکښ زده کړیالان، چې د دغې موسسې، پوهنځیو او څانګو په کچه یې لوړې نمرې ګټلې وې د یوې غونډې په ترڅ کې وستایل شول.
د یادې غونډې برخوال د دغې موسسې رییس مولوي ضیاءالاحمد صارم، علمي او محصلانو چارو مرستیال پوهندوی دکتور شفیق الله شفقت، د پوهنځیو رییسان، استادان، اداري کارکوونکي او زده کړیالان وو. غونډې ته د دغې موسسې رییس په خپلو خبرو کې د مخکښو زده کړیالانو زیار او هڅې وستایلې او نور زده کړیالان یې هم د داسې معنوي امتیاز ترلاسه کولو لپاره وهڅول. د دې تر څنګ علمي او محصلانو چارو مرستیال هم په خبرو کې د مخکښو زده کړیالانو د زیار او هڅو پایلې خورا ګټورې یادې کړې او زیاته یې کړه، چې د تحصیلي دورې ښې لاسته راوړنې په راتلونکي کې د ښه خدمت ترسره کولو مټ ګرځي. ورته مهال د شرعیاتو پوهنځي رییس شیـ؛؛؛خ مولوي محمد ابراهیم حقـ...اني هم په خپله وینا کې پر زده کړیالانو د ښه فکر جوړولو او اسلامي ارزښتونو ته د درناوي په اړوند ټینګار وکړ.
یاده دې وي، چې په یاده غونډه کې (۵) تنه د موسسې په کچه او همدا راز (۱۱) تنه نور زده کړیالان د پوهنځیو او څانګو په کچه د مخکښو زده کړیالانو په ډله ګې وستایل شول، چې د دغې موسسې د رهبري لخوا ورته ارزښتمن او فکري کتابونو او ستاینلیکونه د ډالیو په توګه ترتیب شوي او ورکړل شول.
د نشراتو، اړیکو او عامه پوهاوي لوی مدیریت.
