لوګر پوهنتون رئیس په دغه پوهنتون کې د روانو رغنیزو پروژو له چارو لیدنه او څارنه وکړه
دوشنبه: د ۱۴۰۴ کال قوس/لیندۍ ۳مه او د ۱۴۴۷ جمادی الثانی ۳مه نېټه.
لوګر پوهنتون رئیس مفتي سید ضیاءالاحمد صارم په دغه پوهنتون کې د روانو رغنیزو پروژو له چارو لیدنه او څارنه وکړه.
ښاغلي صارم په دغه لیدنه کې د پوهنتون دننه د داخلي سړکونو، اړوندو کانالونو، د لیلیې د خوړنځای او غونډو د لوی تالار د جوړېدو چارې ښې یادې کړې او زیاه یې کړه، چې هیله لرو په نږدې راتلونکي کې د لیلیې د خوړنځای او غونډو د تالار چارې بشپړې او ګټې اخستنې ته وسپارل شي.
ورته مهال د دغه پوهنتون رئیس د پوهنتون دننه د جوړېدونکي لوی جومات له چارو هم لیدنه وکړه. په داسې حال کې، چې د یاد جومات د جوړېدو چارې ۹۰ سلنه ترسره شوي، وروستۍ چارې یې په خورا ښه کیفیت او چټکۍ سره روانې دي.
د نشراتو، اړیکو او عامه پوهاوي عمومي مدیریت.
