لوګر پوهنتون او د لوګر ولایت د عامې روغتیا ریاست تر منځ د ګډو همکاریو هوکړه لیک لاسلیک شو؛

شنبه: د ۱۴۰۴ کال قوس/ لیندۍ ۲۹مه او د ۱۴۴۷ جمادی الثانی ۲۹مه نېټه.
لوګر پوهنتون او د لوګر ولایت د عامې روغتیا ریاست تر منځ د ګډو همکاریو او روغتیایي خدمتونو په موخه هوکړه لیک د دغه پوهنتون د رئیس مفتي سید ضیاءالاحمد صارم او د عامې روغتیا رئیس الحاج ډاکټر محمد زرک ځیرک لخوا لاسلیک شو.
د دغه هوکړه لیک له مخې به دواړه ادارې د تحصیلي، علمي او څېړنیزو برنامو د ترسره کولو، د ګډو پروژو د پلي کولو، د خپرونو، علمي اثارو او درسي کتابونو د تبادلې او همدا راز د دواړو لوریو لپاره په علمي او مسلکي برخو کې د فرصتونو برابرولو په برخو کې ګډې همکارۍ کوي.
د دې ترڅنګ په یاد هوکړه لیک کې د عامې روغتیا ریاست لخوا د دغه پوهنتون دننه د روغتیایي خدمتونو په ډېرېډو هم ټینګار شوی دی، چې له مخې به یې روغتیایي ستونزو او اړتیاوو ته پر وخت رسېدنه کیږي.
باید وویل شي، لوګر پوهنتون له یو شمېر نورو ولایتي ادارو سره هم د ګډو همکاریو، مسلکي او اداري پیاوړتیا په موخه هوکړه لیکونه لاسلیک کړي دي، چې پر مټ یې د پام وړ لاسته راوړنې هم لري.
د نشراتو، اړیکو او عامه پوهاوي عمومي مدیریت