لوګر د لوړو زده کړو موسسه کې د ولیبال لوبو پیل شوې سیالۍ بریا د ښوونې او روزنې پوهنځي په خپل نوم کړه!
شنبه: د ۱۴۰۳ کال میزان/تلې ۱۴مه او د ۱۴۴۶ ربیع الثانی ۲مه نېټه.
لوګر د لوړو زده کړو موسسه کې د څلورګونو پوهنځيو تر منځ د ولیبال لوبو سیالۍ د ښوونې او روزنې پوهنځي وګټل او د څلورګونو پوهنځیو له ډلې یې لومړی مقام خپل کړ.
د یادو پوهنځیو تر منځ د ولیبال دغه خپلمنځي سیالۍ له تېرو څو ورځو راهیسې پیل شوې وه، لوبغاړي ېې د یادو پوهنځیو زده کړیالان وو. دوی پر منظمو سپورتي جامو او اړوندو توکو سمبال لوبې ترسره کولې، چې د څار او ارزونې چارې یې د دغې موسسې د روغتیا او ورزش کمېټې ترسره کولې. په یاده سیالۍ کې د دغې موسسې د ښوونې او روزنې پوهنځي لومړی، د شرعیاتو پوهنځي دویم، د کرنې پوهنځي درېیم او د جیولوجي او کانونو پوهنځي څلورم مقام خپل کړ.
هېره دې نه وي، چې د دغې موسسې د څلورګونو پوهنځیو تر منځ د کرکټ لوبې سیالي هم ترسره شوه، چې د کرنې پوهنځي په بریا سره تمامه شوه.
د نشراتو، اړیکو او عامه پوهاوي لوی مدیریت.
