پوهنتون ته له ارتقا سره سم یې د نږدې ۵۱ میلیونو افغانیو په ارزښت د سړکونو د جوړولو رغنیزه پروژه خپله کړه!
شنبه: د ۱۴۰۴ کال سنبله/ وږی ۱ لومړۍ او د ۱۴۴۷ صفرالمظفر ۲۹مه نېټه.
لوګر پوهنتون نه یوازې دا، چې له لوړو زده کړو موسسې څخه یې د پوهنتون بڼه خپله کړه؛ بلکي له دې سره سره یې د یو شمېر نورو پرمختګونو تر څنګ د ۵۱ میلیونو افغانیو په ارزښت د داخلي سړکونو د جوړولو پروژه خپله کړه.
په دغې لویې پروژې کې د دغه پوهنتون ۱۲۰۰ متره داخلي سړکونه په پاخه او معیاري ډول جوړیږي، چې د پرانیستې لړۍ یې د لوړو زده کړو وزیر شیـ؛؛؛خ مولوي نداء محمد ندیم، د لوګر والي الحاج قاري صلاح الدین ایوبي، د لوګو ولایت د علماوو شورا رییس شیـ؛؛؛خ مولوي محمد شریف، د لوګر پوهنتون رهبري، د ولایتي ادارو یوشمېر مسؤلینو او دیني علماوو پر لاسونو پیل شوه.
په دې تړاو جوړه شوې غونډه کې د لوړو زده کړو وزیر شیـ؛؛؛خ مولوي نداء محمد ندیم د دغه پوهنتون د سږني کال کانکور له لارې نویو راغلیو زده کړیالانو ته د مبارکي تر څنګ ټول زده کړیالان د اسلامي اصولو په رڼا کې په سالمې شخصیت جوړونې مکلف یاد کړل او زیاته یې کړه، چې اوسنی اسلامي نظام تر بل هر وخت چمتو دی، چې د هیواد د ځوان نسل فکري، عقیدوي او مسلکي روزنه له شته امکاناتو څخه په ګټې اخستنې د مسلکي او ژمنو استادانو پر مټ وکړي. ښاغلي وزیر همدا راز پر زده کړیالانو ټینګار وکړ، چې د پردیو له فکري یرغل څخه په کله دفاع وکړي او د خپل اساسي دوست او دوښمن له پېژندلو ورسته د ژوند مسیر پر بریالۍ لاره وټاکي. ښاغلي وزیر همدا راز په کلکه وویل چې په هیواد کې د مدرسې او پوهنتون تر منځ واټن له منځه تللی او په تحصیلي ډکر کې له وزیر پیل تر رییس، مرستیال، آمر او استادانو، ټول د دې هیواد د ځوان نسل د ښې روزنې خادمان دي او پر استادانو یې غږ وکړ، چې د هیواد بچیان د خپلو والینو امانتونه دي، چې پوهنتونونو ته یې د ښې روزنې په موخه راسپاري، باید د اسلامي اصولو په رڼا کې د دین، هیواد او ټولنې حدمت ته ژمن وروزل شي.
غونډې ته د لوګر ولایت د علما شورا رییس شیـ؛؛؛خ مولوي محمد شریف هم وینا وکړه. نوموړي زده کړیالانو ته په خطاب کې وویل: دا ډول فرصتونه بیا نه تکراریږي، نو باید له دې موقع پوره ګټه واخیستل شي؛ ځکه تاسو د هېواد د راتلونکي استازي یاست، مسؤوليت مو دروند دی.
په غونډه کې د لوګر پوهنتون رییس مفتي سید ضیاءالاحمد صارم د لوړو زده کړو وزارت لخوا د یادې پروژې د هرکلي او خوښۍ سربېره زیاته کړه، چې یاده پروژه کې د پوهنتون دننه د ۱۲ سوه متره په اوږدوالي او نږدې ۱۵ متره سور په اندازه د داخلي سړکونو او شنې ساحې جوړول شاملیږي، چې دغه پروژه په راتلوونکو شپږو میاشتو کې د لوړو زدهکړو وزارت د شاوخوا ۵۱ میلیون افغانیو په مالي لګښت بشپړیږي.
ورته مهال د لوګر والي الحاج قاري صلاح الدین ایوبي هم په خپله وینا کې د پیل شویو پروژو د هرکلي او ملاتړ ترڅنګ وویل: اړتیا ده، چې لوړو زده کړو وزارت د لوګر پوهنتون رغنیزې برخې ته دې ته ورته نور هم پام ډېر کړي.
باید وویل شي، چې لوګر پوهنتون کې دا مهال د رغنیزو پروژو په برخه کې د دغه پوهنتون په انګړ کې د هيواد د يو تن ملي سوداګر لخوا د یو باب لوی جومات او همدا راز د لوړو زده کړو وزارت لخوا د ليليې لپاره د يو باب ګدام او یو باب خوړنځای د جوړېدو چارې په چټکۍ روانې دي.
د نشراتو، اړيکو او عامه پوهاوي عمومي مدیریت
