لوګر د لوړو زده کړو موسسې نویو استادانو ته د (سمینار آموزشی تحلیل فورمه¬های ارزیابی از نحوه تدریس استادان توسط نرم¬افزار SPPS) تر سرلیک لاندې روزنیز سمینار وړاندې شو!
چهارشنبه: د ۱۴۰۴ کال ثور/ غویي ۳۱مه او د ۱۴۴۶ ذوالقعده ۲۳مه نېټه.
لوګر د لوړو زده کړو موسسې نویو ګمارل شویو استادانو ته د دغې موسسې د مسلکي پراختیا آمریت لخوا د (سمینار آموزشی تحلیل فورمه¬های ارزیابی از نحوه تدریس استادان توسط نرم¬افزار SPPS) تر سرلیک لاندې روزنیز سمینار وړاندې شو.
د سمینار په پیل کې لوګر د لوړو زده کړو موسسې رییس مفتي سید ضیاءالاحمد صارم داسي روزنیز سمینارونه په مسلکي برخه کې د استادانو لپاره خورا اړین او ګټور یاد کړل او زیاته یې کړه، چې د دې ډول سمینارونو په ترلاسه کولو سره استادان کولای شي د زده کړیالانو د ښې پوهونې او همدا راز ښه تدریس مهارتونه خپل کړي. ښاغلي صارم همدا راز وویل، چې د انسان د بریا راز په هڅه او زده کولو کې نغښتی او استادان باید د مسلکي او اړوندو علمي برخو له لوړو زده کړو او پوهې زیاتولو څخه په ګټې اخستنې د تدریسي بهیر په وړتیا کې د پام وړ ښه والی راولي. ورپسې د دغې موسسې د مسلکي پراختیا آمر پوهنمل محمد شریف سلطاني په یاده برخه کې ترتیب شوی سمینار په کره ډول وړاندې کړ.
باید وویل شي، چې لوګر د لوړو زده کړو موسسه کې هر کال د دغې موسسې د استادانو او همدا راز اداري کارکوونکو لپاره له اړتیا سره سم د وړتیا لوړونې په برخه کې روزنیز سمینارونه وړاندې کیږي.
د نشراتو، اړیکو او عامه پوهاوي عمومي مدیریت.
