لوګر پوهنتون کې د روان ۱۴۰۵ کال د پسرلني سمستر وروستۍ ازموينې پيل شوې؛
یکشنبه: د ۱۴۰۵ کال سرطان/ چنګاښ ۷مه او ۱۴۴۸ محرم الحرام ۱۲مه نېټه.
لوګر پوهنتون کې د روان ۱۴۰۵ کال د پسرلني سمستر وروستۍ ازموينې د لوړو زده کړو وزارت له لارښوونې سره سم په رسمي ډول پيل شوې.
دغه ازموينې د دغه پوهنتون د رهبري او همدا راز د ازموينو ځانګړې داخلي کمېټې لخوا له بشپړ څار او ارزونې سره سم د منظم مهالوېش له مخې اخيستل کېږي.
ورته مهال د لوګر پوهنتون رئيس مفتي سيدضياءالاحمد صارم وايي، چې د دغو ازموينو د روڼتيا او کره والي په موخه یې اړونده پوهنځيو ته لازمې سپارښتنې کړې دي.
