لوګر د لوړو زده کړو موسسې مالي او اداري مرستيال د ليليې له زده کړيالانو سره ناسته ترسره کړه!
دوشنبه: د ۱۴۰۴ ثور/ غويي ۱لومړۍ او د ۱۴۴۶ شوال المکرم ۲۳مه نېټه.
لوګر د لوړو زده کړو موسسې مالي او اداري مرستېال مولوي فضل الربي مصطفی د دغې موسسې د ليليې له زده کړيالانو سره د مشورتي ناستې ترڅنګ د ليليې له پخلنځای او د خوړو د وېش له بهیر څخه ليدنه او څارنه وکړه.
په دغه ناسته کې ښاغلي مصطفی د ليليې مېشتو زده کړيالانو د ليليې د اړوندو اصولو او لایحو په پام کې نیولو سره ټينګار وکړ او دوی ته یې په ځانګړي ډول د دغه چاپېريال د پاک ساتنې په برخه کې لازمې او کلکې سپارښتنې وکړې.
بايد وويل شي، چې په دغه ناسته کې د ليليې د زده کړيالانو د يو شمېر غوښتنو او ستونزو د اورېدلو تر څنګ یادو زده کړيالانو ته د ليليې نوی مدیر ښاغلی انجنير بشير احمد مبشر هم وروپېژندل شو.
د نشراتو، اړيکو او عامه پوهاوي عمومي مدیریت.
