د کرنې پوهنځي محصلان ( د افغانستان په کرنه کې موجود پوتنسیلونه) تر سرلیک لاندې رزونیز آنلاین سمینار څخه برخمن شول!
دوشنبه: د ۱۴۰۴ کال سبنلې/ وږي ۱۷مه او د ۱۴۴۷ربیع الاول ۱۵مه نېټه.
لوګر پوهنتون د کرنې پوهنځي محصلان ( د افغانستان په کرنه کې موجود پوتنسیلونه) تر سرلیک لاندې رزونیز آنلاین سمینار څخه برخمن شول.
یاد روزنیز سمینار، چې د کرنې پوهنځي د رهبري په هڅو ترتیب شوی و، د هند هیواد د کرنیزو علومو بنګلور پوهنتون د یو تن متخصص استاد دکتور محمد سلیم رحماني لخوا وړاندې شو. په دغه سمینار کې د افغانستان د کرنیز سکتور فرصتونو او ننګونو او همدا راز د افغانستان د کرنې او سوداګرۍ د لا ښه والي، تګلارې او لارښوونو په اړوند ګټور او اړین موضوعات او معلومات وړاندې شول.
ورته مهال لوګر پوهنتون رهبري دا ډول علمي نوښتونه او روزنیز سمینارونه د خپلو محصلانو لپاره خورا ګټور بولي او په دغه برخه له همکارو اړخونو مننه کوي.
د نشراتو، اړیکو او عامه پوهاوي عمومي مدیریت.
