د لوګر پوهنتون مالي او اداري مرستیال د لیلیې ودانیو د بیارغونې، خوړنځای او غونډو تالار د جوړېدو له چارو لیدنه او څارنه وکړه
سه شنبه: د ۱۴۰۴کال قوس/لیندۍ ۴مه او د ۱۴۴۷ جمادی الثانی ۴مه نېټه.
د لوګر پوهنتون مالي او اداري مرستیال مولوي فضل الربي مصطفی د لیلیې ودانیو د بیارغونې او همدا راز خوړنځای او غونډو تالار د جوړېدو له چارو لیدنه او څارنه وکړه.
په دغه لیدنه او څارنه کې مالي او اداري مرستیال د اړوندو کارکوونکو له هڅو او زیار مننه وکړه او د دې تر څنګ یې د چارو پرچټکۍ او ښه کیفیت ټینګار وکړ.
ورته مهال د دغه پوهنتون د ساتنې او څارنې عمومي مدیر انجنیر محمد شریف احمدزی وایي، چې د لوګر پوهنتون د لیلیې لپاره د لوړو زده کړو وزارت په مالي لګښت د شاوخوا ۲۳میلیونه افغانیو په ارزښت دخوړنځای او همدا راز د غونډو تالار د جوړېدو چارې ۹۰ سلنه ترسره شوې دي.
د نشراتو، اړیکو او عامه پوهاوي عمومي مدیریت.
