۱۱.۶. اسلامي علومو او فرهنګ څانګه

لوګر پوهنتون

علمي او محصلانو چارو معاونیت

ښوونې او روزنې پوهنځي

اسلامي علومو او فرهنګ څانګه

د څانګې مخینه:

اسلامي ثقافت څانګه د یو غیر فارغ ورکونکی څانګې په توګه په کال ۱۳۹۸ هـ. ش کې د لوړو زده کړو وزارت د عالی شوری په پنځمه جلسه کې  ایجاد شوه، چې د همدې مصوبې د فیصلی په اساس په کال ۱۳۹۹ هـ ش کې د ښونې او روزنې پوهنځی په چوکاټ کې په خپل فعالیت پیل کړ  او په کال ۱۴۰۲ هجری لمریز کال کې د ( اسلامي علومو او فرهنګ) څانګې په نوم سره په فارغ ورکونکي څانګه تبدیل شوه، چې اوس مهال څلور تنه علمي کادر غړي د اسلامي علومو او فرهنګ څانګې مسلکي او تخصصي مضامینو په تدریس بوخت دي.

لرلید

د اسلامي علومو او فرهنګ څانګه به د هیواد په کچه یوه منلی شوی څانګه وي، چې فارغ کادرونه به یې د هیواد په پوهنیز، عدلي قضايي او دعوت او ارشاد برخوکې مثبت تغیر راوستونکې وي.

رسالت

 د اسلامي علومو او فرهنګ څانګه د خپل نصاب پر بنسټ د هیواد د پوهنیز سیستم لپاره مسلکي او متعهد معلمین روزي او د هیواد ځوان نسل په اسلامي فرهنګ د سمبالښت ترڅنګ، د اسلام د اصیل فهم پاللو او ترویجولو لپاره هلې ځلې کوي.

پورته د څانګې لرلید او رسالت د څانګې په (    ۷    ) ګڼه پروتوکول او    ۶ /    ۴   /  ۱۴۴۷  هـ . ق مطابق   د  ۶ / ۷ / ۱۴۰۴ هــ. ش نيټه جلسه، د پوهنځي ستراتیژیک پلان کمېټې په  (   ۷    ) ګڼه پروتوکول او  ۱۵ /  ۴   / ۱۴۴۷ هـ . ق مطابق د  ۱۵ / ۷ / ۱۴۰۴ هــ. ش نېټه جلسه او همدارنګه د پوهنځي علمي شورا   (۸  ) ګڼه پروتوکول او     ۲۰   /     ۴   /۱۴۴۷ هـ . ق مطابق د۲۰ / ۷ / ۱۴۰۴ هــ. ش نېټه جلسه کې ثبت دي.

تشکیلاتي جدول:

نوم	تخلص	علمي رتبه	وظیفه
احمد غیور	یوسفزی	پوهنیار	د څانګې  آمر
فضل الربی	زاهد	پوهنیار	د پوهنځي مرستیال
ابراهیم	نوري	پوهنمل	علمي کادر غړی
یحیی	حقمل	پوهنمل دوکتور	علمي کادر غړی

 

د اسلامي علومو او فرهنګ څانګې فارغو محصلانو لپاره کاري فرصتونه:

۱: د لوړو زده کړو وزارت په چارچوب کې د علمي کادر غړي، څیړونکي او اداري مسؤل په توګه؛

۲: د پوهنې وزارت په چوکاټ کې د دينې علومو د ښوونکي یا تعلیمي مسؤل په توګه؛

۳: د ارشاد، حج او اوقافو وزارت کې د دعوت، ارشاد، جوماتونو او اوقافو اړوند چارو کار پوه په توګه؛

۴: په محکمو او عدلي چارو کې د شرعي او فقهي چارو کار پوه په توګه؛

۵: په امارتي ادارو کې د دیني او فرهنګي چارو کارپوه په توګه؛

۶: په څیړنیزو او علمی مرکزونو کې د اسلامي علومو د څیړونکي په توګه؛

۷: په امارتي ادارو کې د اداري کارمند په توګه؛

۸: داخلي او خارجي مؤسساتو کې د کارپوه او اداري کارمند په توګه کار کول.

 

۱۲.۵. د اسلامي علومو او فرهنګ  څانګې د آمر بیوګرافي

پوهنیار احمد غیور یوسفزی

پوهنیار احمد غیور یوسفزی د احمد شاه زوی د الحاج عبدالقیوم لمسۍ دی. چې په ۱۳۶۹ کال کې د لوګر ولایت څرخ ولسوالۍ په یوې متدینې کورنۍ کې زیږدلی، لومړنۍ زدکړې یې په پاکستان کې ترسره کړې، په ۱۳۸۶ کال کې د ننګرهار پوهنتون شرعیاتو پوهنځي د اسلامي تعلیماتو څانګې ته بریالی او په ۱۳۹۱ کال له نوموړې څانګې څخه په کادري نمرو فارغ شو، له فراغت وروسته د آزاد رقابت له لارې د ۱۹/۱/۱۳۹۲ نیټه د پکتیکا پوهنتون ښوونې او روزنې پوهنځي د اسلامي ثقافت څانګې ته د علمي کادر  په توګه بريالی شو.

احمد غیور یوسفزی په ۱۳۹۵کال کې دننګرهار پوهنتون د شرعیاتو پوهنځي د تفسیر او حدیث ماسټرۍ  برنامې ته د آزاد رقابت له لارې کامیاب شو چې په ۱۳۹۷ کال کې یې له یاد بنسټ څخه د ماسټرۍ  سند ترلاسه کړ، نوموړی د لوړو زدکړو وزارت د (۴۹۴۷) ګڼه او ۹/۹/۱۳۹۹ نیټې حکم او د تقرر او ترفیعاتو محترم ریاست (۷۴۸)ګڼه او ۱۰/۹/۱۳۹۹ نیټې مکتوب په اساس د لوګر پوهنتون کې د ښوونې او روزنې پوهنځي اسلامي ثقافت څانګې ته تبدیلي وکړه او اوس مهال د لوګر پوهنتون د ښوونې او روزنې پوهنځي د اسلامي علومو او فرهنګ څانګې د آمر په صفت دنده ترسره کوي.

اسلامی علومو او فرهنگ څانګي د محصلانولارښود کتاب

اسلامي علومو او فرهنګ څانګه کتلاک