لوګر د لوړو زده کړو کړو مؤسسې اړوند د کرنې پوهنځي په اګرانومي څانګه کې د سیمینارونو د وړاندې کولو لړۍ پېل شوه!
نېټه ۱۴۰۳/۶/۲۰
د یادې غونډې د پېل ویناوال د کرنې پوهنځي رئیس پوهنیار سید حفیظ الله وو، نوموړي په خپلو خبرو کې لومړی د غونډې په اړه خپله خوښي څرګنده کړه او بیا یې د څانګې د امر او استادانو څخه د زړه تله مننه وکړه چې محصلین یې په ښه توګه وروزل او فارغ یې کړل، د کرنې پوهنځی یې د ټولو کور یاد کړ او محصلینو سره یې ژمنه وکړه چې دوامداره به ورسره په څنګ کې ولاړ وي او له فراغت نه وروسته به یې هم په چوپړ کې وي، د خپلو محصلینو په کړیو زده کړو یې پوره باور څرګند کړ چې د کرنې په برخه کې به د ټولنې ډېرې ستونزې ورسره حل شي، نوموړي په ګران هېواد کې شته فرصتونو ته اشاره وکړه او په یاده برخه کې یې محصلین لا زیات تشویق کړل. ورپسې د اګرانومي څانګې امر نامزد پوهنیار اسرار الله تسل محصلین لا زیات زیار، کوښښ او مطالعې ته وهڅول، نومړي محصلینو ته مبارکي وویله او تر څنګ یې دوی د خپلو کورنیو او ټولنې په وړاندې مسؤلیتونو ته متوجه کړل، همدارنګه یې د خپلو استادانو څخه د زړه له تله مننه وکړه چې په تیرو څلور کلونو کې د محصلینو په روزلو کې نه ستړې کېدونکي هلې ځلې کړې دي
