لوګر د لوړو زده کړو موسسې رییس د لیلیې لپاره د ګدام او خوړنځای د جوړېدو له چارو لیدنه او څارنه وکړه!

logu_admin
سه‌شنبه ۱۴۰۴/۵/۷ - ۱۳:۵۴
۱۱

سه شنبه: د ۱۴۰۴کال سرطان/چنګاښ ۱۷مه او د ۱۴۴۷محرم الحرام ۱۲مه نېټه.
لوګر د لوړو زده کړو موسسې رییس مفتي سیدضیاءالاحمد صارم د دغې موسسې د لیلیې لپاره د نږدې (۲۳) میلیونه افغانیو په ارزښت د ګدام او خوړنځای د جوړېدو له چارو لیدنه او څارنه وکړه.
په دغه لیدنه او څارنه کې ښاغلي صارم د یادو چارو پر کارکوونکو د ښه او منظم کار کولو ټینګار وکړ او زیاته یې کړه، چې د دغه ګدام او خوړنځای په جوړېدو سره به د یادې لیلیې شته ستونزې هوارې او د خوړو پر وخت به د لیلیې زده کړیالان له منظم او معیاري خوړنځای څخه برخمن وي.
ورته مهال د دغې موسسې د ساتنې او څارنې مدیر انجنیر محمد شریف احمدزی وایي، چې د یادو چارو پروژه د نږدې (۲۳) میلیونه افغانیو په ارزښت ده، چې دوی یې وخت پر وخت د لیدنې تر څنګ د کارونو مسلکي او معیاري ارزونه هم ترسره کوي او د اړتیا پر مهال اړوندو کارکوونکو لازمې لارښوونې کوي.
باید وویل شي، چې سږ کال د لوړو زده کړو وزارت لخوا د دغې موسسې  د ۳۵۰ تنو مستحقو زده کړیالانو او همدا راز ۵۰ تنو مسافرو استادانو لپاره لیلیه منظوره شوې ده، چې د درې وخته خوړو تر څنګ ورته یو شمېر نور لازم امکانات هم برابر شوي دي.
د نشراتو، اړیکو او عامه پوهاوي عمومي مدیریت.

لوګر دلوړو زده کړو موسسې د رهبري پیغام

له کرغیړن اشغال څخه د بشپړې آزادۍ ترلاسه کولو وروسته زموږ اسلامي نظام او ټولنه د ژوند په هره برخه کې پرمختګ ته اړتیا لري او د یوې ټولنې د پرمختګ لپاره دا اړینه ده چې وګړي یې د دیني او عصري علومو په ګاڼه سمبال وي.

د همدې موخې د تر لاسه کولو له پاره لوګر د لوړو زده کړو موسسه دا خپل رسالت او مکلفیت ګڼي چې محصلین د فکري او عقیدوي جوړښت تر څنګ متعهد، مسلکي، دین او هیواد ته ژمن وروزي، چې په راتلونکي کې د خلاقیت او نوښتو سربیره د خپل هیواد په رغولو او د لوړو اهدافو په تر لاسه کولو کې رغنده رول ولوبوي.

په در نښت

مفتي سید ضیاءالاحمد صارم

لوګر دلوړو زده کړو موسسې رئیس

مفتی سید ضیاءالاحمد صارم
مفتی سیدضیاءالاحمدصارم

تازه خبرونه

یکشنبه ۱۴۰۴/۵/۲۶ - ۱۵:۵۲
Background image

د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار لارښود تر سرلیک لاندې یو ورځنی روزنیز سمینار وړاندې شو!

یکشنبه: د ۱۴۰۴ کال اسد/ زمري ۲۶مه او د ۱۴۴۷ صفرالمظفر ۲۳مه نېټه. 
لوګر پوهنتون د ښوونې او روزنې پوهنځي د فزیک، کیمیا او بیولوژي څانګو د لومړیو ټولګیو نویو زده کړیالانو ته د لابراتوار. . .

یکشنبه ۱۴۰۴/۵/۲۶ - ۱۵:۴۸
Background image

لوګر د لوړو زده کړو مؤسسه، لوګر پوهنتون شو!

شنبه: د ۱۴۰۴ کال اسد/ زمری ۲۵مه او د ۱۴۴۷ صفرالمظفر ۲۲مه نېټه.
لوګر پوهنتون رهبري د هیواد په کچه د ټولو لوړو زده کړو موسسو د نوم بدلېدل پوهنتونونو ته د لوړو زده کړو وزارت رښتینې هڅې او. . .

یکشنبه ۱۴۰۴/۵/۲۶ - ۱۵:۴۶
Background image

لوګر د لوړو زده کړو موسسې اداري کارکوونکو ته د تضمین کیفیت ۱۱ ګوني معیارونه د دوه ورځني سمینار په لړ کې تشریح شول!

چهارشنبه: د ۱۴۰۴ کال اسد/ زمري ۲۲مه او د ۱۴۴۷ صفرالمظفر ۱۹مه نېټه.
لوګر د لوړو زده کړو موسسې ټولو اداري کارکوونکو ته د تضمین کیفیت ۱۱ ګوني معیارونه، چې د لوړو زده کړو وزارت د تضمین. . .

BACK TO NEWS