په ښوونې او روزنې پوهنځي کې یوه نوې تحصیلي څانګه رامنځته شوه؛

دوشنبه: د ۱۴۰۵ کال سنبله/ وږي ۲۳مه او د ۱۴۴۸ ربیع الثانی ۱لومړۍ نېټه.
د لوګر پوهنتون په ښوونې او روزنې پوهنځي کې د لوړو زده کړو وزارت د عالي شورا د پرېکړې پر بنسټ د ( تربیتي علومو او ارواپوهنې) نوې غیر فارغ ورکوونکې څانګه رامنځته شوه.
د دغه پوهنتون رئیس مفتي سید ضیا‌ءالاحمد صارم د مننې او خوښۍ تر څنګ وایي، چې د یادې نوې تحصیلي څانګې په رامنځته کېدو سره لوګر پوهنتون د علمي او تحصیلي پرمختګ په لړ کې یو نوی او د پرمختګ ګام اوچت کړی، چې له مخې به یې د هیواد ځوان نسل په ښوونیزه او د ارواپوهنې په برخه کې په مسلکي او لېسانس کچه روزل کېږي.
ښاغلی صارم صاحب زیاتوي، چې لوګر پوهنتون دا مهال د شپږو بېلا بېلو پوهنځیو او ۲۰ اړونده تحصیلي څانګو څخه برخمن دی، چې د هیواد د بېلابېلو سیمو او ولایتونو څخه څه باندې ۲۰۰۰ تنه ځوانان په کې خپلې لوړې زده کړې ترسره کوي.
د نشراتو او عامه اړیکو عمومي مدیریت.