لوګر د لوړو زده کړو موسسې رییس د جیولوجي او کانونو پوهنځي له رسمي چارو لیدنه او څارنه وکړه!
سه شنبه: د ۱۴۰۴ کال حمل/ وري ۱۰مه او د ۱۴۴۶ شوال المکرم ۱۹مه نېټه.
لوګر د لوړو زده کړو موسسې رییس مولوي ضياءالاحمد صارم د دغې موسسې د جیولوجي او کانونو پوهنځي له رسمي چارو لیدنو او څارنه وکړه.
په دغه لیدنه او څارنه کې ښاغلي صارم د یاد پوهنځي د استادانو، اداري کارکوونکو او په ځانګړي ډول د زده کړیالانو د حاضري کتابونه وکتل او د پوهنځي رهبري او استادانو ته یې د زده کړیالانو پر حاضري د کلکې څارنې ټینګار وکړ. د دې ترڅنګ د دغې موسسې د رهبري لخوا په ټولګیو زده کړیالانو ته د حاضري، درسونو د ښې زده کړې او اکاډمیک نظم پر مراعتولو لازمې سپارښتنې وکړې. ورته مهال د یاد پوهنځي سرپرست رییس پوهنیار محمد خالد درمان هم د اړوند پوهنځي د اکاډمیکو او اداري چارو د لاښه سمون او ترسره کولو په برخه کې د بشپړو هڅو او کار کولو ډاډ وړاندې کړ او زیاته یې کړه، چې د تدریسي چارو ترڅنګ به د دغه پوهنځي ټولو رسمي چارو ته د دغې موسسې له رهبري سره په همغږي په پوره اخلاص رسېدنه کوي.
د نشراتو، اړیکو او عامه پوهاوي لوی مدیریت
