د کانکور د ازموينې دريمه او د پاى ورځ!
جمعه - د ١٤٠٠ لمريز کال غويي مياشتې ١٠ مه نېټه!
د لوګر ولايت د ١٤٠٠ لمريز کال د کانکور ازموينې دريمه ورځ هم نن د سهار په ٦ بجو پيل شوه.
دغه ازموينه چې لوګر د لوړو زده کړو مٶسسې په همکارۍ د ازموينو ملي ادارې لخوا واخيستل شوه او درې ورځې يې دوام درلود، نن يې د پاى ورځ وه چې په کې د لوګر ولايت څخه د دولسمو، اختصاصي، شبانه او متفرقه ٢٩٥٢ ګډونوالو چې له جملې يي٣٠٥ نجونې وې، ګډون درلود.
په پاى کې لوګر د لوړو زده مٶسسې رٸيس ښاغلي پوهنمل عبدالناصر ستانکزي د لوګر ولايت ازموينو ملي ادارې مسٶل ښاغلي پوهنمل زرغون سرور او راغلي پلاوي استادانو او دبايومټريک تخنيکي کارکوونکو او همدارنګه د دغه علمي بنسټ استادانو او کارکوونکو او امنيتي مسٶلينو څخه مننه وکړه، چې ياده ملي پروسه يې په ښه فضا او اطمينان سره پاى ته ورسوله.
