دوشنبه: د ۱۴۰۴ کال جوزا/ غبرګولي ۲۶مه او د ۱۴۴۶ ذوالحجة الحرام ۱۹مه نېټه. لوګر د لوړو زده کړو موسسې او د لوګر پوهنې رياست تر منځ د ګډو همکاريو هوکړه ليک د علمي او څېړنيزو پرمختګونو او مسلکي تجربو شريکولو په موخه لاسليک شو. په دې تړاو جوړو شویو مراسمو کې د
دوشنبه: د ۱۴۰۴ کال جوزا/ غبرګولي ۲۷مه او د ۱۴۴۶ ذوالحجة الحرام ۲۰مه نېټه.
لوګر د لوړو زده کړو موسسې خپل غوره استادان او اداري کارکوونکي د دوی غوره علمي څېړنو او کاري وړتيا ته په کتو سره وستايل.
په دې تړاو جوړه شوې غونډه کې د لوګر مرستيال والي الحاج مولوي محمد انور دين پرور، د دې موسسې رييس مفتي سيدضياءالاحمد صارم، د علمي او محصلانو چارو مرستيال پوهندوی مولوي ميرويس ستانکزي، مالي او اداري مرستيال مولوي فضل الربي مصطفی، د څلور ګونو پوهنځيو رييسان، د لوګر د اطلاعاتو او کلتور رییس دکتور رفيع الله صميم، د دغې موسسې استادان، اداري کارکوونکي او يو شمېر زده کړيالان وو.
غونډه کې د لوګر مرستيال والي د لوړو زده کړو، استادانو، مسلکي او تخصصي زده کړو پر ارزښت هر اړخيزې خبرې وکړې او د دې تر څنګ یې ددغې موسسې د رهبري، استادانو او اداري کارکوونکو کاري وړتياوې او خدمتونه د ستاینې وړ وبلل.
ورپسې د دغې موسسې رییس په خپلو خبرو کې غوره علمي څېړنې ترسره کول او نورو ته يې رسول جاریه صدقه یاده کړه او زياته يې کړه، چې د ښه استعداد او علميت خاوندان بايد خپل اساسي مسؤليت په سمه توګه ترسره کړي؛ ترڅو دنیوي او اخروي بريا او ګټه ترلاسه کړي. نوموړي همدا راز وويل، چې د دغې موسسې ټول استادان او اداري کارکوونکي د ښه استعداد او پوره اخلاص خاوندان دي او تل يې د دغې موسسې د پرمختګ لپاره ښه خدمتونه ترسره کړي. په غونډه کې د لوګر د اطلاعاتو او کلتور رییس هم په خپله وینا کې د هيواد پرمختګ د پوهانو او علم خاوندانو پورې تړلی ياد کړ او د دغې موسسې د استادانو سربېره يې د ټولنې هر استاد د ستاینې، درنښت او هڅونې وړ وباله.
ورته مهال د دغې موسسې د علمي او محصلانو چارو مرستيال هم د دغې موسسې د استادانو او اداري کارکوونکو د ښو استعدادونو او کاري وړتياوو ستاينه وکړه او زياته يې کړه، چې له نېکه مرغه لوګر د لوړو زده کړو موسسې يو شمېر استادان د هيواد په کچه د غوره علمي څېړونکو په ډله کې راغلي، چې له همدې امله د دغې موسسې رهبري تل د خپلو کادري او اداري کارکوونکو وړتياوې او علميت ستايي.
ياده غونډه يو شمېر غوره استادانو او اداري کارکوونکو ته د ترتیب شويو ستاينپاڼو تر ورکړې وروسته د شرعياتو پوهنځي رييس شـ؛؛؛يخ مولوي محمد ابراهيم حقاني لخوا د دعايې په لوستلو سره پای ته ورسېده.
د نشراتو، اړيکو او عامه پوهاوي عمومي مدیریت.
