لوګر د لوړو زده کړو موسسه کې له سل¬ګونو د دولسم ټولګیو فارغو زده کوونکو څخه د کانکور ازمایښتي ازموینه واخستل شوه!

logu_admin
Tue, Jun 24 2025 4:10 PM
۱۱

شنبه: د ۱۴۰۴ کال جوزا/ غبرګولي ۳مه او د ۱۴۴۶ ذوالقعده ۲۶مه نېټه.
لوګر د لوړو زده کړو موسسه کې د لوګر د مرکز او ولسوالیو د دولسم ټولګیو له سل¬ګونو فارغو زده کوونکو څخه له عمومي کانکور سره د بلدتیا او ذهني وړتیا لوړونې په موخه د کانکور ازمایښتي ازموینه واخستل شوه.
دغه د کانکور ازمایښتي ازموینه لوګر د لوړو زده کړو موسسه کې د دغې موسسې د رهبري او د استادانو د یوې ځانګړې کمېټې لخوا د ښوونې او روزنې پوهنځي د اسلامي ثقافت څانګې آمر پوهنیار احمد غیور یوسفزي په مشري ترتیب شوې وه، چې د ګډونوالو لپاره یې ټول اړوند خدمتو وړیا او د دغې موسسې لخوا وو. په دغه ازموینه کې عمومي کانکور ته ورته له بېلابېلو برخو څخه (۱۶۰) څلورځوابه پوښتنې ترتیب شوې وې، چې له تخنیکي لارښوونو سره سم له ځواب پاڼو او کود رشتو سره مل د ازموینې پر ګډونوالو ووېشل شوې.
د ازموینې ګډونوالو ته د مناسب ځای او لازمو امکاناتو تر څنګ لازم وخت په واک کې ورکړل شوی و؛ تر څو دوی په خورا ډاډمن ډول خپلې پوښتنپاڼې ځواب کړي. د ازموینې پر صحنو د ټاکل شوې کمېټې ګمارل شویو غړیو د هر ګډونوال تخنیکي پوښتنې له نږدې اورېدلې او دوی ته یې لازمې او اړینې لارښوونې وکړې.
که څه هم د دغې ازمایښتې ازموینې ترتیب شوې پوښتنپاڼې به د عمومي کانکور له پوښتنپاڼو سره خورا توپیر ولري؛ خو د ګډونوال په خبره دا ډول ازموینې کولای شي، چې له دوی سره د عمومي کانکور لپاره په تخنیکي برخه کې د لا ځیرکتیا او په علمي برخه ذهني او معلوماتي وړتیا ډېره کړي.
لوګر د لوړو زده کړو موسسه کې د کانکور ازمایښتي ازموینه په داسې حال کې اخستل کیږي، چې د ازموینو ملي اداري د رسمي اعلان له مخې د هیواد د یو شمېر نور ولایتونو سربېره په لوګر ولایت کې هم د کانکور ازموینې لپاره د روان ۱۴۰۴هـ ق کال د جوزا/ غبرګولي میاشتې ۵مه او ۶مه (دوشنبه او سه شنبه) ورځې د بایومتریک او همدا راز د جوزا/ غبرګولي میاشتې ۷مه، ۸مه او ۹مه ( چهارشنبه، پنجشنبه او جمعه) ورځې د ازموینې لپاره ټاکل شوې دي.
د نشراتو، اړیکو او عامه پوهاوي عمومي مدیریت .

Message of the Chancellor of Logar Institute of Higher Education

After achieving complete freedom from the oppressive occupation, our Islamic system and society need to progress in every aspect of life. For the advancement of a society, its individuals need to be equipped with both religious and modern education.
To achieve this goal, Logar Institute of Higher Education considers it its mission and responsibility to educate students who are not only committed and professional but also devoted to their faith and country. In the future, these graduates will play a constructive role in the development of their country and in achieving lofty objectives, fostering creativity and innovation.

President of Logar Institute of Higher Education

 

Mufti Seyyed Zia-ul-Ahmad Sarem
sarem photo

تازه خبرونه

Tue, Jul 29 2025 2:06 PM
Background image

لوګر د لوړو زده کړو موسسه کې د پسرلني سمستر ازموینې په منظم ډول روانې دي!

یکشنبه: د ۱۴۰۴کال جنګاښ/ سرطان ۲۲مه او د ۱۴۴۷ محرم الحرام ۱۷مه نېټه.
لوګر د لوړو زده کړو موسسه کې د ۱۴۰۴کال پسرلني سمستر د پای ازموینې له منظم مهالوېش او د دغې موسسې د رهبري او همدا راز. . .

Tue, Dec 24 2024 12:07 PM
Background image

د شرعیاتو او همدا راز جیولوجي او کانونو پوهنځيو له اداري چارو او د ازموینو له لړۍ لیدنه او څارنه وشوه!

سه شنبه: د ۱۴۰۳ کال جدي/مرغومې ۴مه او د ۱۴۴۶جمادی الثانی ۲۲مه نېټه.
 لوګر د لوړو زده کړو موسسې د رییس مولوي ضياءالاحمد صارم لخوا د دغې موسسې د شرعیاتو او جیولوجي او کانونو پوهنځيو له. . .

Mon, Dec 23 2024 11:55 AM
Background image

لوګر د لوړو زده کړو موسسې رییس د ازموینو بهیر او اړوندې اداري چارې له نږدې ولیدې!

کشنبه: د ۱۴۰۳ کال جدي/مرغومې ۲مه او د ۱۴۴۶ جمادی الثانی ۲۰مه نېټه.
لوګر د لوړو زده کړو موسسې رییس مولوي ضیاءالاحمد صارم د دغې موسسې د خزاني سمستر د ازموینو له بهیر او اړوندو اداري چارو. . .

BACK TO NEWS